×

NMB BANK
NIC ASIA

राजश्व तिरको ५ महिना पुग्दा समेत पाइएन स्मार्ट लाइसेन्स

भदौ ३, २०७५

NTC
Sarbottam
Premier Steels
Marvel

ललितपुर–ग्वार्काे बस्दै आउनुभएका दीपक थापाले चालक अनुमतिपत्रका लागि लिइएको लिखित र प्रयोगात्मक परीक्षा उत्तीर्ण गरेको आठ महिना भयो । अझैसम्म उहाँको हातमा चालक अनुमतिपत्र पर्न सकेको छैन । 

उहाँले दैनिकजसो कार्यालयमा सम्पर्क गरेर अनुमतिपत्र आए वा नआएको बुझ्ने गर्नुभएको छ । उहाँले सधैँ जवाफ नकारात्मक नै पाउनुहुन्छ । गत साता भने उहाँ कार्यालयमा नै आफ्नो अनुमतिपत्र कहिले आउँछ भन्ने बुझ्न आउनुभएको भेटिनुभयो । उहाँले भन्नुभयो, “अझै पनि कहिले आउँछ भन्ने टुङ्गो छैन भन्ने जवाफ पाएँ ।” 

यातायात व्यवस्था कार्यालय वाग्मती अञ्चल कार्यालयबाट चालक अनुमतिपत्रका लागि लिइएको परीक्षा उत्तीर्ण भएका थापाजस्ता झण्डै चार लाख जनाले अनुमतिपत्र पाएका छैनन् । नौ महिना पहिले परीक्षा पास गर्ने सेवाग्राहीसमेत चालक अनुमतिपत्रका लागि लिइएको परीक्षा पास भएर सरकारलाई तिरेको राजश्वको कागज लिएर हिँड्छन् । 

विभागमा छाप्ने उपकरण (मेशिन) कमीका कारण धेरै सेवाग्राहीले हैरानी बेहोरेका छन् । एकातिर उनीहरुले परीक्षा उत्तीर्ण भएको लामो समय बित्दासमेत अनुमतिपत्र पाएका छैनन् भने अर्कातिर ट्राफिक प्रहरीले सडकमा रसिदका भरमा चलाउँदा अनुमतिपत्र नै माग्ने गरेका छन् । 

सातदोबाटोकी मैना अर्यालले छ महिना पहिले नयाँ स्कुटर किन्नुभयो । सामान्य चलाउन जानेपछि उहाँले प्रशिक्षण केन्द्रमा गएर ‘ट्रायल’(चालक प्रयोगात्मक परीक्षा) का लागि सिक्नुभएको थियो । उहाँले पहिलो पटकमा नै परीक्षा पास पनि गर्नुभयो । तर परीक्षा पास गरेको पाँच महिना बितिसक्दासमेत चालक अनुमतिपत्र पाउनुभएको छैन । उहाँ भन्नुहुन्छ, “ परीक्षा उत्तीर्ण गरेर पनि ढुक्कसँग चलाउन पाएको छैन ।” 

चालक अनुमतिपत्रको परीक्षा उत्तीर्ण गरेको रसिद बोकेर नै अर्यालले स्कुटर चलाउने गर्नुभएको थियो । एक पटक रसिद कपडा धुँदा च्यातिएर गयो । निवेदन दिएर बल्ल रसिदको प्रतिलिपि लिएको उहाँले बताउनुभयो । उहाँ भन्नुहुन्छ, “फेरि पनि च्यातिर जाने अवस्थामा पुगिसक्यो ।” उहाँले केही समय पहिले भने त्यही च्यातिन लागेको रसिद ‘लेमिनेसन’ गरेर बोक्न थाल्नुभएको छ । 

सेवाग्राहीलाई परेको समस्याका बारेमा जानकारी भएर पनि केही गर्न नसकिएको वाग्मती अञ्चल कार्यालयका सूचना अधिकारी भक्त विष्टले बताउनुभयो । यहाँबाट लिइएको परीक्षा पास गरेको लामो समय बित्दासमेत सेवाग्राहीले प्रमाणपत्र पाएका छैनन् । उहाँ भन्नुहुन्छ, “भएका उपकरण अपुग भए थपेर पनि सेवाग्राहीलाई चाँडो सेवा दिनुपर्छ ।” 

आफूले राजश्व तिरेको लामो समय हुँदासमेत चालक अनुमतिपत्र नपाएको भन्दै धेरै जना सेवाग्राही कार्यालय आउने गरेका छन् । कतिपयले नम्र भाषामा त कति सेवाग्राही त झगडा गर्ने उद्देश्यले आइपुग्ने सूचना अधिकारी विष्टले बताउनुभयो । उहाँ भन्नुहुन्छ, “समयमा दिन नसक्नु हाम्रै गल्ती हो । त्यसैले चुप लागेर बस्नुपर्ने अवस्था छ ।” पटक–पटक यहाँ आइरहेका सेवाग्राही बढी रिसाउने गरेका छन् । 

सेवाग्राहीलाई धेरै खालका समस्या परेको विष्टले बताउनुभयो । कतिपय सेवाग्राही विदेश जानका लागि चालक अनुमतिपत्र बनाएका छन् । उहाँ भन्नुहुन्छ, “प्रवेश आज्ञा आइसक्दासमेत चालक अनुमतिपत्र नआउँदा उहाँहरुलाई समस्या छ ।” 

सडकमा ट्राफिक प्रहरीले समय–समयमा कागजपत्र जाँच गर्छन् । चालक अनुमतिपत्रमा जस्तो फोटो नहुँदा आफ्नै हो भनेर विश्वास दिलाउन गाह्रो पर्ने सेवाग्राहीले कार्यालयका कर्मचारीलाई बताउने गरेका छन् । अनुतिपत्रजस्तो बलियो नहुँदा रसिद च्यातिने वा भएका कुरा मेटिँदा धेरै सेवाग्राहीले त्यसको प्रतिलिपि समेत लिएका छन् । उहाँ भन्नुहुन्छ, “रसिदकै प्रतिलिपि लिनेसमेत गर्दा यहाँ सेवाग्राहीको चापसमेत बढ्छ ।” 

नेपाल सरकारले तीन वर्ष पहिले वाग्मती अञ्चल कार्यालयबाटै ‘स्मार्ट चालक अनुमतिपत्र’ वितरण थालेको थियो । अरु अञ्चल कार्यालयमा पुरानो खालको चालक अनुमतिपत्र वितरण गर्दा पहिले ‘स्मार्ट चालक अनुमतिपत्र’ लिनकै लागि कार्यालयमा भीड थियो । अघिल्लो वर्षसम्म अरु अञ्चल कार्यालयको सेवासमेत नियमित थिएन । उहाँ भन्नुहुन्छ, “कहिले खुल्ने र कहिले बन्द हुने हुँदा धेरै सेवाग्राही यही आउने गरेका थिए ।” 

अघिल्लो आर्थिक वर्षबाट सबै अञ्चल कार्यालयले ‘स्मार्ट चालक अनुमतिपत्र’ वितरण गरिरहेको सूचना अधिकारी बिष्टले बताउनुभयो । ती कार्यालयले नियमित सेवा दिँदा यहाँको चाप कम हुँदै गएको छ । अझैसम्म अरु १३ वटा कार्यालयमा जत्तिकै यहाँको एउटा कार्यालयमा सेवाग्राहीको चाप रहेको उहाँ बताउनुहुन्छ । वाग्मति अञ्चल कार्यालयले अहिलेसम्म दुई लाखको हाराहारीमा चालक अनुमतिपत्र वितरण गरिसकेको जनाएको छ । 

Sagarmatha Cement
Muktinath Bank

– सञ्चिता घिमिरे 


Advertisment
RMC TANSEN
IME BANK INNEWS
shivam ISLAND

Advertisment
Nabil box
Kumari
Vianet communication
Laxmi Bank
hAMROPATRO BELOW NEWS
TATA Below
चैत २, २०८०

त्रिभुवन विमानस्थल भन्सार बाहिरबाट गत साउन २ गते समातिएको झण्डै ६१ केजी सुन तस्करीमा संलग्न विचौलिया जीवन चलाउनेले प्रहरी हिरासतबाट छुट्न ६० लाखको बार्गेनिङ भएको छानबिन समितिलाई बयान दिएका छन् । ३० लाख रुपैय...

असोज २६, २०८०

नेपालको संविधान पछिल्लो जनगणनाका आधारमा सबै घरधुरी वा घरबासमा नि:शुल्क उपलब्ध गराउन सर्वोच्च अदालतले दिएको आदेशको पूर्णपाठ सार्वजनिक भएको छ । अधिवक्ता विकास भट्टराईले दिएको रिटमा न्यायाधीशद्वय सुष्मालता माथ...

कात्तिक २२, २०८०

अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एण्ड फ्रड कन्ट्रोल सिस्टम (टेराम्क्स) प्रविधि खरिद प्रकरणमा नेपाल दुरसञ्चार प्राधिकरणका २० जना पदाधिकारी तथा कर्मचारीसँग बयान लिएको छ ।  ट...

असोज १९, २०८०

ने​पालगञ्जका चेतन मानन्धरलाई नियन्त्रणमा लिएर खुँडा प्रहार गरी हत्या गरेको अभियोगमा जन्मकैदको सजाय भुक्तान गरिरहेका रिगल भनिने गुण्डानाइके योगराज ढकालले संविधान दिवस (असोज)का अवसरमा आममाफी पाएको विषयमा...

कात्तिक २४, २०८०

अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...

मंसिर २७, २०८०

निर्माण व्यवसायी महासंघले खरिद सम्बन्धी कानून परिमार्जनसहितका ९ बुँदे माग राखी आन्दोलन गरेको थियो । २०८० साउन २६ गते प्रधानमन्त्रीस्तरीय निर्णयबमोजिम सार्वजनिक खरिद अनुगमन कार्यालयका सचिवको अध्यक्षतामा गठित कार्यद...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x