तपाइँ प्रेमिका रिसाए के गर्नु हुन्छ ? उनलाई खुसी बनाउनका लागी मनपर्ने कुरा किनिदिनुहुन्छ होला ? या सिनेमा देखाउने काम गर्नुहुन्छ होला ? अथवा उनको रिस शान्त नहुन्जेल उनको नजिक पर्नुहुन्न होला । तर एक प्रेमिले आफ्नो प्रेमिकासँग मागेको माफिले पुरै सहरका मानिस चकित परेका छन् ।

भारत महाराष्ट्रको पुणे नजिकको पिपरी चिचवाडाका एक युवकको चर्चा अहिले भइरहेको छ । आफ्नी प्रेमिकासँग माफि माग्दा उनको चर्चा पुरै सहरमा भएको हो ।

नीलेश खेडेकरले पिम्पले सौदागर, वाकड तथा रहतानीमा आफ्नो प्रेमिकासँग माफि माग्दै ३०० होडि बोर्ड लगाएका छन् ।

बीबीसीका अनुसार उनको चर्चा अहिले शहरमा भइरहेको छ  । तर मनोवैज्ञानिकका अनुसार यो एक मानसिक गडबडी हो ।

चिकित्सकहरुका अनुसार यो मानिसहरुको ध्यान आकर्षित गर्नका लागि गरिएको काम हो । यसलाई लिएर सामाजिक सञ्जालहरुमा पनि चर्चा छ । स्थानीय प्रहरीका अनुसार प्रशासनले यसलाई गम्भीरताका साथ लिएको छ र यसको जाँच गर्ने भएको छ ।

प्रहरीका अनुसार होडिङ मा शिवाडे मलाई माफ गर लेखिएको छ । तर यो बोर्ड कसले लगायो भन्ने पत्ता लाग्न नसक्दा प्रहरी केही दिन हैरान भयो ।

होडिङ बोर्ड बनाउने स्थानमा गरिएको छानवीनको आधारमा यो आदित्य शिन्देले यस्तो पोस्टर बनाएको पत्ता लागेको थियो । आदित्यसँगको सोधपुछपछि प्रहरी नीलेशसम्म पुगेको थियो । उनकी प्रेमिका वाकड प्रहरी चौकी नजिक बस्थिइन् । नीलेश खेडकरसँगको सोधपुछपछि उनले आफूले प्रेमिकालाई खुसी पार्नका लागी होडिङ लगाएको स्वीकार गरेका छन् ।

२५ वर्षका नीलेश खेडकर पुणेकाो  घोरपाडे मा बस्छन् । सानोतिनो व्यापार गर्ने उनी एमबीए पनि गरिरहेका छन् । उनले होडिङ बोर्ड राखेको कुरा अदालतमा पुगेको भन्दै यसबारे केही नबोल्ने बताए ।