प्रियंका चोपडा र निक जोनसकाबीचमा बिवाह हुने तय भएको छ । उनीहरुको टिकाटालो र इन्गेजमेन्ट पनि भइसकेको छ । भारतीय सञ्चारमाध्यमहरुका अनुसार उनीहरुको विवाह यसै वर्ष हुनेछ ।

यसकालागि प्रियंकाका घरतर्फबाट तयारी थालिसकेका छन् । प्रियंकाकी भतिजी बहिनी परिणीति चोपडाले बेहुला निकको जुत्ता चोर्ने योजना बनाएकी समाचार भारतीय सञ्चारमाध्यमहरुमा छाएको छ ।

सामाजिक सञ्जालमा परिणितिलाई के उनले जोनसको जुत्ता चोर्छिन् भन्दै गरिएको प्रश्नमा उनले भनेकी छिन्, निश्चयनै, मैलेत भिनाजु(जोनस)सँग आफ्नो डील शुरु गरिसकेको छु र त्यसका लाागि मोलतोल पनि शुरु गरेको छु । यसको प्रमाण प्रियांका छिन् ।

प्रियंका र निकको रोकेपछि परिणितिले आफ्नो र प्रियंकाको सम्वन्ध र बाल्यकालबारे भावुक पोस्ट गरेकी थिइन् ।

निकसँग विवाह गर्नका लागि प्रियंकाले सलमान खनको विग प्रोजेक्ट भारत मा अभिनय गर्न समेत समय अपुग हुने बताएकी थिइन् ।

प्रियंकाका फ्यानले लामोसमय पछि सलमानसँग उनलाई देख्न पाइने भयो भन्दै खुसी व्यक्त गरेपपनि निकसँगको समय अभाव हुने भन्दै उनले सलमानको फिल्म भारतमा अभिनय नगर्ने निर्णय गरेकी थिइन् ।

निक जोनस अभिनेता एवं अमेरिकी गायक हुन् । निक प्रियंका भन्दा करिब १० वर्ष कान्छा छन् ।

निक बारेका केही तथ्य

निककको वास्तविक नाम निकोलस जेरी जोनस हो । उनको जन्म १६ सेप्टेम्बर १९९२ मा टेक्ससको डालास शहरममा भएको थियो । निक एक अमेरिकन गायक तथा अभिनेता हुन् । उनले सात वर्षको उमेरमा नै काम थालेका थिए ।

निकले २००२ मा आफ्ना बाबुसँग मिलेर पहिलो गीत जाय टु द वल्र्ड गाएका थिए । निकको आफ्नो यो पहिलो गीत स्वयं लेखेका थिए ।

२००४ मा निकको पहिलो एल्बम आयो । तर त्यसले त्यति धेरै सफता पाएन । यसपछि उनले भाइहरुसँग मिलेर जोनास ब्रदर्स नामको एक व्याण्ड बनाए । जसका चारवटा एल्बम बजारमा आए । जो निकै चर्चित भए ।

जोनस बदर्सले अमेरिकी म्युजिक अवार्डमा अवार्ड फर ब्रेकथ्रु आर्टिस्ट पपनि जिते ।

प्रियंका चोपडा भन्दा पहिला निक जोनासको नाक कयौं गायिका तथा अभिनेत्रीसँग जोडिएको थियो । निकले माइली सायरल, क्याडल जनर तथा सेलेना गोमेजसँग पनि डेट गरेका थिए ।

डेली मेलका अनुसार निकको वार्षीक कमाई २.५ मिलियन डलर अर्थात १७५ करोड रुपैयाँ छ । निकले अहिलेसम्म कुल १७ एल्बमका लागि गाएका छन् ।