कञ्चनपुर-निर्मला पन्तका वास्तविक हत्यारालाई प्रहरीले जोगाउन खोजेको भन्दै आफन्त तथा स्थानीयले विरोध जनाएका छन् । स्थानीयले मंगलबार बिहानै सदरमुकाम महेन्द्रनगरमा विरोध प्रदर्शन गरेका छन् । 

आक्रोशित स्थानीयले प्रहरीलाई लखेटेका छन् । महेन्द्रनगर तनावग्रस्त बनेको छ । प्रहरीले सोमबार निर्मलाको बलात्कारपछि हत्यामा संग्नलन रहेको आरोपमा भीमदत्तरपालिका–१९ बाँगफाँटाका ४१ वर्षिय दिलिप सिहं विष्टलाई सार्वजनिक गरेको थियो । 

प्रहरीले सार्वजनिक गरेका व्यक्ति मानसिक रुपमा स्वस्थ्य नरहेको स्थानीयले बताएका छन् । स्थानीयले दिलिप वास्तविक हत्यारा नभएको र प्रहरीले पीडकलाई उन्मुक्ती दिन खोजेको आरोप लगाए । 

प्रहरीले सोमबार पत्रकार सम्मेलन गर्दै विष्टले बलात्कारपछि निर्मलाको हत्या गरेको दाबी गरेको थियो । भीमदत्तरनगरपालिका–२ कि निर्मला गत साउन ११ गते मृत अवस्थामा उखुबारीमा मृत अवस्थामा फेला परेकी थिइन् ।