माघ १५, २०८०
अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...
काठमाडौं –१४औं महाधिवेशन आउन करीब १८ महिना बाँकी रहँदा नेपाली कांग्रेसभित्र भावी नेतृत्वका लागि गृहकार्य शुरू भएको छ ।
कोइराला परिवारका सदस्यहरूले नेतृत्वका लागि अग्रसरता लिएसँगै कांग्रेस वृत्तमा तरंग पैदा भएको छ । कोइराला परिवारका सदस्यले देउवाविरुद्ध महागठबन्धन बनाउने समेत बताउँदै आएका छन् । विगतमा आन्तरिक विवादमा रहेको भनिएका कोइराला परिवारका सदस्यबीच पछिल्लो समय लगातारजस्तो भेटवार्ता भइरहेको छ ।
बल्लतल्ल सभापति निर्वाचित शेरबहादुर देउवाले आफ्नो कार्यकाल लम्ब्याउन चाहेमा विधान बाधक हुने छैन । कांग्रेस विधानमा महाधिवेशन एक वर्ष पछाडि लैजान सक्ने व्यवस्था छ । अवस्था अनुकूल भएन भने देउवाले महाधिवेशन एक वर्ष पछाडि सार्न सक्छन् । आफू दोहोरिने सम्भावना रह्यो भने उनले समयमै अर्थात् २०७६ सालको फागुनमै महाधिवेशन गराउने छन् ।
गत मंसिरमा सम्पन्न निर्वाचनपछि कांग्रेस इतिहासकै कमजोर बनेको छ । तर इतर समूहमा देखिएको विभाजनका कारण गुटगत रूपमा सभापति देउवा भने बलियो बन्दै गइरहेका छन् । तर कार्यकर्तामाझ देउवा अलोकप्रिय बनेका छन् । चुनावमा पार्टीलाई लज्जास्पद् पराजयबाट बचाउन नसकेको आरोप उनीमाथि छ ।
देउवाइतर समूहले ‘देश कम्युनिस्टले कब्जा गर्न थाले, पार्टी कब्जा गर्न छाड्नुस्’ भनेर दबाब सिर्जना गर्न थालेका छन् भने देउवाले ‘मसँग होइन सरकारको निरंकुशताविरुद्ध लड्नुस्,’ भनेर भनेका छन् ।
निकटस्थहरूका अनुसार पद र शक्तिमा बसिराख्नु देउवाको शोख हो, आमनेपाली नेताहरू सरह । पार्टीभित्र नेतृत्व परिवर्तन र शीघ्र महाधिवेशनको माग भए पनि देउवाले सुनेकोनसुन्यै गरेका छन् ।
पटकपटक प्रधानमन्त्री बने पनि पार्टी सभापतिको तृष्णा देउवामा मेटिएको छैन । त्यसैले देउवा तत्काल पार्टीको नेतृत्व छाड्ने मनस्थितिमा छैनन् । पार्टीको नेतृत्वमा रहिरहन विधान नै संशोधन गर्ने यसअघिको नेतृत्वले स्थापित गरिदिएको परम्परा हो ।
नेतृत्वमा फेरि त्रिपक्षीय भिडन्त ?
२०७२ सालमा सम्पन्न १३औं महाधिवेशनमा नेतृत्वका लागि त्रिपक्षीय भिडन्त भएको थियो । संस्थापन पक्षका तर्फबाट तत्कालीन कार्यवहाक सभापति राममन्द्र पौडेल, देउवा तथा पार्टीमा तेस्रो धारको निर्माण भन्दै कृष्ण सिटौला र गगन थापा समूह नेतृत्वका लागि भिडेका थिए ।
सिटौला पहिलो चरणबाटै बाहिरिए भने सिटौलाको साथ पाएर देउवाले रामचन्द्रलाई पराजित गरे । महाधिवेशनको समयमा बनेको कांग्रेसको तेस्रो धार अहिले शिथिलप्रायः छ । बरु कोइराला परिवारका शेखर र शशांकले तेस्रो धार निर्माणको गृहकार्य गरिरहेका छन् ।
संसदीय दलको चुनावमा सभापति शेरबहादुर देउवालाई चुनौती दिएका गणेशमान पुत्र प्रकाशमान सिंहले पनि नेतृत्वको दाबीसहित देश दौडाहा र कार्यकर्तासँगको भेटवार्तालाई बाक्लो बनाएका छन् ।
उनले केहीदिन पहिले सुदूरपश्चिमका जिल्लाको भ्रमण गरेका थिए ।
कोइराला परिवारका नेतात्रयमध्ये सुजाता मुख्य नेतृत्वको दाबी गर्ने हैसियतमा छैनन् । शेखर र शशांकले कसलाई नेता स्वीकार्लान्, त्यसको फैसला भइसकेको छैन् । कार्यकर्तामाझ र जनतामाझ शेखरको लोकप्रियता बढ्दो देखिन्छ । कोइराला परिवारका सदस्य नेतृत्वका लागि तयार भएमा पूराना नेता केबी गुरुङ समूहको समेत समर्थन हुनसक्ने सम्भावना छ ।
केपी ओली नेतृत्वको सरकारविरुद्ध आक्रामक अभिव्यक्ति तथा पार्टीभित्र सभापतिलाई चुनौती दिएर शेखरले कांग्रेसका एकथरी कार्यकर्ताको मन जितेका छन् । शशांक भने देउवाले १५औं महाधिवेशनमा आफूलाई नेतृत्व दिन्छन् कि भन्ने आशमा छन् ।
दोस्रो पुस्ताका नेताको अवकाश ?
आशन्न १४औं महाधिवेशनबाट दोस्रो पुस्ताका नेताले अवकाश पाउने सम्भवना छ । देउवा र पौडेल समूहका नेता एकले अर्कोलाई स्वीकार्ने अवस्थामा छैनन् ।
शेरबहादुर देउवा टीममा देउवा मात्र सर्वसम्मत छन् । तर देउवाको कोर टीमका विमलेन्द्र निधी, महामन्त्री पूर्णबहादुर खड्का, गोपालमान श्रेष्ठ, बालकृष्ण खाण, डा. प्रकाशशरण महतले एकले अर्काको अस्तित्व भने स्वीकार्दैनन् ।
पौडेल समूहमा पनि त्यो समस्या बाँकी छ ।
आगामी महाधिवेशनबाट कृष्ण सिटौला, प्रकाशमान सिंह, डा. रामशरण महत, अर्जुन नरसिंह केसी, महेश आचार्यजस्ता हस्ती नेताहरू नेतृत्वमा आउन सकेनन् भने उनीहरूको राजनीतिक अवकाश शुरू हुने कांग्रेसभित्र टिप्पणी हुन थालेको छ ।
कोइराला परिवारले छुट्टै समूह बनाएर महाधिवेशनमा गएमा रामचन्द्र पौडेल समूहले प्रकाशमान सिंहलाई लिएर प्यानल बनाउन सक्ने पूर्वानुमान कांग्रेस नेताहरूले गरेका छन् ।
यसअघि पौडेल समूहबाट शशांकले महामन्त्रीमा चुनाव जितेका थिए ।
कांग्रेसमा ‘एम्बाप्पे’को खोजी !
कांग्रेसको आगामी महाधिवेशनसम्मको राजनीतिक समीकरण कस्तो बन्ला भनेर केही नेताहरूसँग कुरा गर्दा एक नेताले भर्खरै सम्पन्न विश्वकपका खेलाडीको नाम लिए । ‘म्याराडोनाले कठीन समयमा गोल गरे, जसका कारण अहिलेसम्म उनको प्रशंसा भइरहेको छ । सबैको समय आउँछ । मेस्सीको समेत जमाना सकिन लागेको समयमा अब एम्बाप्पेको खोजी गर्नुपर्ने समय आएको छ,’ ती नेताले भने ।
सम्भवतः उनले बीपीलाई म्याराडोनासँग तुलना गरे । एम्बाप्पेको खोजी भएपनि पात्र भने फेला परिनसकेको उनको दाबी छ । ‘कांग्रेसभित्रको एम्बाप्पे भनेर गगनलाई पचाउने अवस्थामा अझै बनिसकेको छैन,’ ती नेताले भने ।
१५औं महाधिवेशनपछि गगन थापालगायतका युवाहरूले नेतृत्वमा हस्तक्षेप गर्ने सम्भावना रहे पनि कृष्ण सिटौला नेतृत्वमा आउने सम्भावना तत्काल नदेखिएको उनको विश्लेषण छ ।
‘सिटौलाजी च्याखेको राजनीति गर्न लाग्नुभयो । देउवासँग बार्गेनिङ गरेर गगन र भीमसेनदासलाई मन्त्री त बनाउनु भयो । अब सिटौलाको गुट नभई गगन—प्रदीपको गुटमा सिटौला रहने अवस्था देखिँदैछ ।’
यसबीचमा गगन थापा, चन्द्र भण्डारी, धनराज गुरुङ, गुरुराज घिमिरे लगायतका ७ नेताले ‘सतभैया समूह’ बनाएर नेतृत्वविरुद्ध चुनौती दिएपनि उनीहरू अहिले लगभग सेलाएका छन् ।
गच्छदार समूह रुष्ट
चुनावको पूर्वसन्ध्यामा ‘लोकतन्त्र बचाउन प्रजातान्त्रिक गठबन्धन बनाउन जरुरी भएको’ भन्दै कांग्रेसमा समाहित भएको विजयकुमार गच्छदार समूह आफूहरूलाई जिम्मेवारी नदिइएको भन्दै रुष्ट छ । पूर्वसहमति विपरीत आफूलाई उपसभापतिमा मनोनयन नगरिएकोमा गच्छदार देउवासँग रुष्ट छन् ।
गच्छदार समूहले अलग्गिनेसम्मको चेतावनी दिएको छ । तर दल त्याग ऐनका कारण सांसद पद धरापमा पर्नेगरी गच्छदार त्यो तहसम्म उत्रिने सम्भावना छैन । रामजनम चौधरीलगायत संसदमा नभएका नेताहरूले असन्तुष्टि जनाएपनि राष्ट्रियसभामा ६ वर्षे कार्यकालको चिट्ठा परेका जीतेन्द्र देव मौन छन् ।
पार्टीभित्र नेतृत्वको विवाद भएपनि सभापति शेरबहादुर देउवा भने यतिबेला उपचारका लागि विदेश भ्रमणमा छन् । ‘हामीले राज्यको पुनर्संरचना गर्यौं, तर आफ्नै पार्टीको विधानलाई संघीय स्वरूपमा पुर्नसंरचना गर्न नसक्दा सरकारलाई आलोचना गर्ने नैतिक बल गुमाएका छौं,’ कांग्रेसका एक नेता भन्छन् ।
देउवाको कार्यशैलीप्रति उनकै समूहका नेताहरू समेत सन्तुष्ट छैनन् । देउवा समूहको भनेर परिचित पूर्वसांसद रामहरि खतिवडा भन्छन्— ‘कांग्रेसको पुनर्संरचना गरेर जानुपर्ने अवस्था थियो, कांग्रेसलाई २१औं शताब्दी अनुकूलको गतिशील पार्टी बनाउने विषयमा नेतृत्वमा इच्छा शक्ति देखिँदैन । तेरो मेरो होइन, राम्रो रोज्नु पर्नेमा त्यसो भएको छैन ।’
कोइराला परिवारले नेतृत्व दाबी गर्नु स्वभाविक : घिमिरे
नेपाली कांग्रेसका युवा नेता गुरुराज घिमिरे कोइराला परिवारले नेतृत्व लिन्छु भन्नु स्वभाविक रहेको बताउँछन् ।
‘पार्टी सम्हाल्छौं र नेतृत्व लिन्छौं भन्ने कुरा स्वभाविक हो, तर यसको आन्तरिक व्यवस्थापन कसरी गर्नुहुन्छ भन्ने हेर्न बाँकी छ,’ घिमिरे भन्छन, ‘तर उहाँहरूलाई पार्टीभित्र गुट बनाउने छुट छैन ।’
कांग्रेस स्थापना र लोकतन्त्रको रक्षाका लागि कोइराला परिवारले ठूलो त्याग गरेको इतिहास रहेका कारण नेतृत्वको दाबी गर्नु नौलो कुरा नभएको घिमिरेको तर्क छ ।
‘विगतमा कोइराला परिवारले सुवर्ण शम्शेर र कृष्णप्रसाद भट्टराईलाई नेतृत्वमा पुर्याएको पनि इतिहास छ, योजनाको नेतृत्व आफूले लिएर पार्टी सम्हाल्ने कुरा पनि हुनसक्छ,’ उनी भन्छन् ।
अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...
चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...
देशका विभिन्न शहरमा गरिब–मजदूरहरूले छाक काटेर सहकारीमा जम्मा गरेको पैसा बदनियतपूर्ण ढंगले हिनामिना गरेर टेलिभिजनमा लगानी गरेको विषयले बजार तातिरहेको छ, जसमा जोडिएका छन् रास्वपा सभापति रवि लामिछाने...
सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...
आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...
सरकारमा सहभागी मन्त्रीको कार्यक्षमतालाई लिएर प्रश्न उठेपछि अहिले सरकारमा रहेका मन्त्रीलाई फिर्ता बोलाएर मन्त्रिमण्डल पुनर्गठन गर्न सत्तारुढ दलहरूभित्र दबाब बढ्न थालेको छ । अपवादबाहेक सरकारमा सहभागी मन्त्रीले जनअपे...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...