आज गाइजात्रा । काठमाडौं उपत्यका सहित देशका विभिन्न स्थानमा नेवार समुदायले यो पर्वलाई मनाउने गर्छन् । 

पितृको सम्झनामा गाईको स्वरुप धारण गरि मनाइने यो पर्वमा नेपाली समाजमा रहेका विभिन्न पक्षमाथि व्यंग समेत गर्नेगरिन्छ । 

हास्यकलाकारहरुको मुख्य पर्वसमेत रहेको गाइजात्रा यसपटक भने विशेष बन्न सकेन । 

गत वर्षहरुमा गाइजात्रा शुरु हुनुभन्दा हप्तादिनअघि देखिनै गाइजात्राका विशेष शो गर्ने गरेका कलाकारहरुलाई यस पटकको गाइजात्रा खल्लो भयो भने त्यस्ता शोमा जाने हास्यकला, व्यंगप्रेमि दर्शक पनि निराश बने । 

गाइजात्राको अवसरमा भृकुटिमण्डपमा रहेको रिपोर्टर्स क्लबमा हास्यकलाकार मनोज गजुरेल, दिपकराज गिरी, दिपाश्री निरौला, केदार घिमिरे, दमन रुपाखेतीलगायतका कलाकारले हास्य प्रस्तुती गरेका थिए । अधिकांशले

राजनीति, सरकारमाथि व्यंग गरेका थिए । यसका साथै उनीहरुले क्लबका अध्यक्षसमेत रहेका पत्रकार ऋषि धमलामाथि व्यंग गरेका थिए ।

हेरौं भिडियो