माघ ५, २०८०
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
काठमाडौं – सरकारले सार्वजनिक यातायातमा जोर-बिजोर प्रणाली लागू गरेपछि यात्रुहरूले सास्ती बेहोर्नुपरेको छ ।
यही बिहीवार र शुक्रवार हुन लागेको बिमस्टेक शिखर सम्मेलनको सुरक्षाका लागि सरकारले तीन दिनका लागि राजधानीका सडकमा जोर-बिजोर प्रणाली लागू गरेको छ ।
यसक्रममा १३ र १५ गते बिजोर र १४ गते जोर नम्बरका सवारी साधनमात्र चल्न पाउनेछन् ।
बुधवार बिजोर नम्बरका सवारी मात्रै गुड्न दिइएपछि यात्रुहरू सीमित सवारी साधनमा कोचिएर यात्रा गर्न बाध्य छन् ।
यसक्रममा ट्याक्सीहरूले तेब्बर भाडा लिँदा आकस्मिक रूपमा बाहिर निस्केका यात्रु र बिरामीहरू झनै मर्कामा परेका छन् ।
वीर अस्पस्तालको आकस्मिक कक्षमा आमा भर्ना गरेर रगत परीक्षणका लागि टिचिङ अस्पताल पुगेकी भक्तपुरकी विन्दा पाण्डेले सडकमा गाडी पनि पर्याप्त नभेटिएको र ट्याक्सीले पनि ५ सय रुपैयाँ मागेको गुनासो गरिन् ।
विन्दाले लोकान्तरसँग भनिन्, ‘आमाको दम बढेपछि गएराति हस्पिटल भर्ना गराएँ । अहिले उहाँको लुगा लिन आउँदा पनि ट्याक्सी चढेर साढे ५ सय तिरेँ । फर्किँदा पनि त्यति नै लिने भन्दैछन् । मिटरमा हिँडे बालुवाटारबाट वीर हस्पिटलको बीचमा १ सय ५० जति उठ्ने गर्छ ।’
यस्तै काखमा ३ महिने शिशु च्यापेको अवस्थामा टंगालस्थित भाटभटेनी छेउमा भेटिएकी सुनिता लिम्बूले पनि बच्चालाई अस्पताल लैजान खोज्दा ट्याक्सीले अत्यधिक भाडा मागेको गुनासो गरिन् ।
विशालनगर बस्ने सुनिता आफ्नो ३ महिने छोराले गएरातिदेखि बान्ता गर्न थालेपछि शिक्षण अस्पताल महाराजगञ्ज लान लाग्दा समस्यामा परेको बताउँछिन् ।
उनले भनिन्, ‘छोरालाई अस्पताल लाने भनेर बाटोमा निस्कएको ४५ मिनेट भइसक्यो । गाडी आए पनि प्याक आएका छन् । ट्याक्सीमा जान खोज्दा मिटरमा जान मानेका छैनन् । ६ सय लिने भनिरहेका छन् ।’
सडकमा सवारी कम भएपछि यात्रुहरूको हातरोको फाइदा उठाउँदै ट्याक्सीहरूले तेब्बरभन्दा बढी भाडा लिएको गुनासो अधिकांश यात्रुको छ ।
महानगरीय ट्राफिक महाशाखामा प्रहरी वरिष्ठ उपरीक्षक वसन्त पन्तले कतिपय ठाउँमा सादा पोशाकमा ट्राफिक प्रहरी खटिरहेको र आवश्यक दोषी भेटिए कारवाही गर्ने बताए ।
उनले ट्याक्सी रोक्ने सबै चोकतिर सादा पोशाकमा ट्राफिक प्रहरी खटाउने पनि जानकारी दिए ।
पन्तले लोकान्तरसँग भने, ‘हामीले नियमित अनुगमन गरिरहेका छौं । कतिपय ठाउँमा सादा पोसाकमा ट्राफिक प्रहरी खटिएका छन् । कतिपय ठाउँमा खटाउने तयारी गरिरहेका छौं । यात्रुहरूले पनि तत्काल नजिकको ट्राफिक प्रहरी वा महाशाखामा ट्याक्सी नम्बर दिएर फोन गरे पनि कारबाही हुन्छ ।’
काठमाडौंमा हुन लागेको बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक)को चौथौ शिखर सम्मलेनको सुरक्षाका लागि आज (बुधबार)देखि काठमाडौं उपत्यकामा चल्ने सवारी साधनमा जोर–बिजोर प्रणाली लागू भएको ट्राफिक प्रहरी महाशाखाले जनाएको छ ।
ट्राफिक प्रहरीकाअनुसार बुधबार र शुक्रबार बिजोर नम्बर (अन्तिम अंक १, ३, ५, ७ र ९) भएका सवारीसाधन चल्न पाउनेछन् भने १४ गते जोर नम्बर (नम्बरको अन्तिम अंक ०, २, ४, ६, ८) भएका सवारीसाधन मात्रै सडकमा निस्कन पाउनेछन् ।
सञ्चारकर्मी (पत्रकार) चढ्ने प्रेसका सवारी साधनसहित अत्यावश्यक सेवाका सवारी साधनमा भने जोरबिजोर प्रणाली लागू नभएको गृह मन्त्रालयले जनाएको छ ।
सरकारले बिहिबार र शुक्रबार उपत्यकाका सम्पूर्ण शिक्षण संस्थामा बिदा पनि दिएको छ ।
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...