काठमाडौं – एनआईसी एसिया बैंकको २ नयाँ शाखा कार्यालय कास्की जिल्लामा स्थापना गरिएका छन् ।

पोखरा महानगरपालिका–८ न्यूरोड पोखरास्थित न्यूरोड पोखरा शाखाको एनआईसी एसिया बैंकका सञ्चालक राजेन्द्रप्रसाद अर्यालले उद्घाटन गरेका छन् । अन्नपूर्ण गाउँपालिका–१ नौडाँडास्थित नौडाँडा शाखाको एनआईसी एसिया बैंकका सञ्चालक विनोदकुमार प्याकुरेलले बुधवार भव्य समारोहबीच उद्घाटन गरे ।

बैंकका देशभर २ सय ४१ शाखा कार्यालय, २ सय ३५ एटीएम, १४ वटा एक्सटेन्सन काउन्टर एवं १८ वटा शाखारहित बैंकिङ्ग इकाइमार्फत् बैंकिङ्ग सेवा प्रदान गर्ने मुलुककै सबैभन्दा ठूलो शाखा सञ्जाल भएको बैंक हुन सफल भएको छ । 

बैंकको वासलात १ सय ८३ अर्ब रुपैयाँभन्दा बढी पुगेको छ भने निक्षेप करीब १ सय ५५ अर्ब रुपैयाँ तथा कर्जा १ सय २७ अर्ब रुपैयाँ पुगेको निजी क्षेत्रबाट स्थापित बैंकमध्ये नेपालको सबैभन्दा ठूलो बैंकको रुपमा पहिचान बनाउन सफल भइसकेको छ ।

हालसम्म बैंकमा ग्राहकको संख्या करीब १२ लाख १९ हजार रहेको छ । संस्थागत सुशासन, जोखिम व्यवस्थापन र आन्तरिक नियन्त्रण प्रणालीको उत्कृष्ट अभ्यासलाई बैंकले पालना गर्दै आएको छ ।