काठमाडौं – एनआईसी एसिया क्यापिटल लिमिटेडको दोस्रो वार्षिक साधारणसभा शक्रवार रजिस्टर्ड कार्यालय काठमाडांंैमा सम्पन्न भएको छ ।

सभाले साधारण प्रस्ताव अन्तर्गत आर्थिक वर्ष २०७४/०७५ को सञ्चालक समितिको प्रतिवेदन पास गर्नुका साथै असार मसान्तसम्मको वासलात, नाफा नोक्सान हिसाव तथा नगद प्रवाह विवरण लगायतका वार्षिक वित्तीय विवरण स्वीकृत गरेको छ ।

सभाले सञ्चालक समितिले प्रस्ताव गरे बमोजिम चुक्ता पूँजीको ७ दशमलव ३६८४२ प्रतिशतका दरले हुन आउने करसहित १ करोड ४७ लाख ३६ हजार ८ सय ४२ रुपैयाँ ११ पैसा नगद लाभांश वितरण गर्ने प्रस्ताव समेत पारित गरेको छ ।

छिटो तथा ग्राहकमुखी सेवा दिँदै क्रमिक रुपमा लगानीकर्ता माझ लोकप्रिय बन्दै गइरहेको एनआईसी एसिया क्यापिटल लिमिटेडले आगामी दिनमा थप उत्कृष्ट सेवा प्रदान गर्ने प्रतिबद्धता सभामा व्यक्त गरिएको छ ।

निष्काशन तथा बिक्री प्रबन्धकसँगै एनआईसी एसिया क्यापिटलले पूँजी बजारमा लगानीकर्तामाझ लोकप्रिय बन्दै गएको लगानी व्यवस्थापन (पोर्टफोलियो म्यानेजमेन्ट), म्युचुअल फण्ड, १ लाख ३० हजारभन्दा अधिक डीम्याट (डीपी) सेवाग्राही तथा ५ वटा कम्पनीको शेयर रजिस्ट्रार सेवा प्रदान गर्दै आइरहेको छ । एनआईसी एसिया क्यापिटल लिमिटेड हालै मात्र लगानी परामर्श सेवा समेत ल्याएको छ ।