काठमाडौं — ‘जलेबी : दी एभरलास्टिङ टेस्ट अफ लभ’ नामक फिल्मका निर्माताहरूले यसको पहिलो पोस्टर सार्वजनिक गरेका छन् । बलिउडका ख्यातिप्राप्त निर्देशक महेश भट्टले ट्वीट गरेर पोस्टर शेयर गरेका छन् ।

तर ट्विटर प्रयोगकर्ताहरूले महेश भट्टमाथि पोस्टरको आइडिया चोरेको आरोप लगाउँदै त्यस्तै किसिमका अन्य तस्वीरहरू पोस्ट गरिदिए । 
 

In this changing shifting world where the old stories have collapsed and no new story has yet emerged to replace them comes a story of everlasting love. Here is the #JalebiPoster. @Tweet2Rhea @varunmitra19 @DiganganaS @PushpdeepBhardw pic.twitter.com/arZzQnOKie

---

Advertisment

— Mahesh Bhatt (@MaheshNBhatt) September 3, 2018

भट्टले पोस्टर शेयर गर्दै लेखे, ‘क्षण क्षणमा परिवर्तन भइरहेको संसारमा पुराना कथाहरू सकिँदैछन् तर तिनीहरूको ठाउँमा कुनै नयाँ कथा आएका छैनन् । यी कथाहरूको ठाउँमा आएको छ एक कथा जसको प्रेम कहिले पनि सकिँदैन ।’

पोस्टरमा अभिनेत्रीले ट्रेनको झ्यालबाट बाहिर झुण्डिएर अभिनेतालाई चुम्बन गरेको देखिन्छ । 

भट्टको फिल्मको पोस्टरको बलिउडवालाहरूले प्रशंसा गरेपनि केही मानिसले यो चोरीको माल भएको पत्ता लगाइहाले । कोरियाली युद्धका बेलामा खिचिएको फोटोको कपी भएको ट्विट आयो । बलिउडका मान्छे एउटा पोस्टर समेत
आफैं बनाउन जान्दैनन् भनी एक ट्विटर प्रयोगकर्ताले लेखे ।  

अर्का प्रयोगकर्ताले तमिल फिल्मको पोस्टर पनि पोस्ट गरिदिए र ट्रेनको ठाउँमा बस रहेको देखाइदिए । 

जलेबी फिल्ममा वरुण मित्रा र रिया चक्रवर्तीको प्रमुख भूमिका छ । फिल्म १२ अक्टोबरमा रिलिज हुँदैछ ।

एजेन्सी