काठमाडौं– नेपाल आयल निगमले  फेरि पेट्रोलियम पदार्थको भाउ बढाएको छ  । गत भदौ २० गते भाउ बढाएको निगमले त्यसको १२ दिन बित्न नपाउँदै फेरि मूल्य बढाउने निर्णय गरेको हो । 

निगमका अनुसार  प्रतिलिटर पेट्रोलमा रु  २ र डिजेल तथा मट्टीतेलमा रु ३–३ मूल्यवृद्धि गरिएको छ । 

निगमका अनुसार मूल्य समायोजन भएसँगै अब प्रतिलिटर पेट्रोलको मूल्य एक सय १४ र डिजेल तथा मट्टीतेलको मूल्य एक सय १ रुपैयाँ पुगेको छ । खाना पकाउने एलपीजी ग्यास र हवाइ इन्धनको मूल्य भने बढाइएको छैन । 

नयाँ मूल्य  आजै मध्यरातदेखि लागू हुनेछ ।