काठमाडौं – टीभीएस मोटर कम्पनीको नेपालको लागि अधिकारिक बिक्रेता जगदम्बा मोटर्सले देशभर आफ्नो थप १० अत्याधुनिक शो रुमहरू उद्घाटन गरेको छ ।

आफ्नो अत्याधुनिक शोरुममा टीभीएसको सम्पूर्ण मोटरसाइकल र स्कूटर उपलब्ध हुनुका साथै केही समयअघि मात्र बजारमा ल्याइएको टीभीएस अपाचे आरआर ३१०, टीभीएस अपाचे आरटीआर १६० फोरभी र टीभीएस एनटोर्क १२५ स्कुटर पनि उपलब्ध रहने छ ।

असोज १ गतेदेखि व्यावसायिक रुपमा सञ्चालनमा आएका नयाँ अत्याधुनिक शोरुमहरू काठमाडौंको कान्तिपथ, कुपन्डोल, टुसाल र काठमाडौं बाहिर इनरुवा, राजविराज, सिराहा, धादिङ, गरुडा, कावासोती र डडेल्धुरामा रहेका छन् । ग्राहकले शोरुमहरूमार्फत् टीभीएसका विभिन्न मोडलका मोटरसाइकल र स्कुटर खरिद गर्न सक्ने छन् ।

जगदम्बा मोटर कम्पनीका उपाध्यक्ष दिपक अग्रवालले भने, ‘ग्राहकले अबका दिनमा सुविधाजनक ढंगले स्थानीय शोरुममार्फत् सेवा प्राप्त गर्न सक्ने छन् । टीभीएस ग्राहकको सहज सुविधा र किफायतीपनप्रति सदैव प्रतिवद्ध रहेको छ ।’

टीभीएसप्रति ग्राहकको लगानी सुरक्षित महसुस गर्न सक्नुको साथै सकारात्मक प्रतिक्रिया प्रदान गरिरहेको र भविष्यमा पनि कायम रहने कुरामा कम्पनी ढुक्क रहेको उल्लेख गरेको छ ।