टोकियो-  जापानका प्रधानमन्त्री सिन्जो अबे सत्तारुढ दलको अध्यक्षमा पुनः निर्वाचित भएका छन् । उनको राजनीतिक दल ‘लिबरल डेमोक्र्याटिक पार्टी’को बिहीबार सम्पन्न निर्वाचनमा आवे अध्यक्ष निर्वाचित भएका हुन् । 

यस विजयसँगै ६३ वर्षीय आवे जापानमा लामो समयसम्म प्रधानमन्त्रीको पदमा रहने निश्चित भएको छ । 

आवेले आफ्नो दलका सदस्य र सांसदबाट ५५३ मत प्राप्त गरेका थिए  । उनका विरुद्धमा उम्मेदवार बनेका अर्का नेता सिगेरु इसाबाले भने २५४ मत मात्र प्राप्त गरेका थिए। नेता इसाबा जापानको पूर्व रक्षामन्त्री थिए ।
जापानी प्रधानमन्त्री अबे संविधान संशोधनको मुख्य एजेण्डाका साथ प्रधानमन्त्रीमा निर्वातित भएका हुन् ।