काठमाडौं — भारतको मुम्बईमा करङको हड्डी भाँचिएको एक सर्पको उपचार चलिरहेको छ । एक व्यक्तिले हरियो रंगको बाम्बू पिट भाइपर सर्पको करङको हाड भाँचिदिएका थिए । 

पशु चिकित्सक डा दीपा कात्यालका अनुसार, सर्पको शुरूआती एक्सरेबाट खासै केही प्रस्ट भएन । त्यसपछि उसको एमआरआई गरियो । 

अनिल कुबाल सर्प समात्ने र बचाउने काम गर्छन् । उनले एक विषालु सर्प बस्तीमा पसेपछि उनलाई बोलाएर समात्न लगाइयो र उनले सर्पलाई पशुचिकित्सककहाँ पु–याए । 

सर्पको करङको हाड माडिएको पाइयो र उपचार चलिरहेको छ । 

सर्पको पीडा कम गर्नका लागि लेजर उपचार गरियो र पेनकिलर खान दिइयो । उसलाई ट्युबमार्फत खाना खुवाइएको छ । 

सर्पको हालत अब ठीक छ । उसको शरीरको तल्लो भागमा हलचल हुन शुरू गरेको छ । 

सर्पको एमआरआई गर्ने रेडियोलोजिस्ट डा रवि थापरले सर्प आफ्ना लागि अनौठो रोगी भएको बताए । सर्प आफ्नो क्लिनिकमा आउला भन्ने नसोचेको उनको भनाइ छ । उनले पहिलोपटक सर्पको स्क्यान गरेका हुन् ।

एजेन्सी