महेन्द्रनगर– कञ्चनपुरको कृष्णपुर नगरपालिका– १ बंकस्थित एक विद्यालयमा पढ्ने ७ वर्षीया बालिकामाथि कक्षाकोठामै ‘बलात्कार’ भएको घटना सार्वजनिक भएकाे छ । 

७ वर्षीया बालिकामाथि बलात्कार गरेको आरोपमा १० वर्षीय बालक पक्राउ परेका छन् । बिहीवार विद्यालय विदा भइसकेको समयमा १० वर्षीय बालकले ७ वर्षीया बालिकामाथि बलात्कार गरेको घटना सार्वजनिक भएको हो । 

बलात्कार आरोप लागेका १० वर्षीया बालकलाई प्रहरीले नियन्त्रणमा लिएको छ । बालिकको स्वास्थ्य परीक्षणका लागि सदरमुकाम महेन्द्रनगरमा रहेको महाकाली अञ्चल अस्पतालमा लगिएको जनाइएको छ । 

विद्यालयबाट भाग्दै आएकी बालिकाले स्थानीय प्रहरीलाई आफूमाथि बलात्कार भएको बताएकी थिइन् । बालिकाकै बयानको आधारमा १० वर्षीय बालकलाई नियन्त्रणमा लिइएको प्रहरीले जनाएको छ । 

बालिकाको स्वास्थ्य परीक्षणपछि मात्रै बलात्कार भएको हो–हैन भन्ने विषय यकीन हुने प्रहरीले जनाएको छ ।