करिना कपूरले आज आफ्नो जन्मदिन मनाइन् ।

अभिनेत्री करिनाले रातको १२ बजे नै परिवारसँग वर्थडे सेलिब्रेट गरेकी छिन् । पार्टीमा सेफ अली खान, सोहा, कुणाल खेमू, करिश्मा, बबीबा–रणधीर कपूर, कुणाल कपूर, समायरा आदी उपस्थित थिए ।

मध्यरातमा बनाइएको पार्टीको तस्वीर इन्स्टाग्रममा सेयर भएको छ । 

करीनाको बर्थडे पार्टीको केक शानदार थियो जसमा उनलाई सम्बोधन गर्दै लेखिएको थियो । केकमा कालो ड्रेस लगाएको र हातमा वाइनको ग्लास लिएको एक युवती बनाइएको थियो, जो करिना हुन् । 

पार्टीमा उपस्थित भएका सबै जना सामान्य पहिरनमा उपस्थित भएका थिए । बर्थडे गर्ल करिना सेतो टिसर्ट र जिन्सम उपस्थित थिइन् । 

सामाजिक सञ्जालमा राखिएको तस्वीर र भिडियोहरुमा करिनाका छोरा तैमुर देखिएका छैनन् । 

मध्यरातमा पार्टी भएका कारण तैमुर सुतेको हुनसक्ने अनुमान भारतीय सञ्चारमाध्यमहरुले गरेका छन् ।