राष्ट्रिय फोटोपत्रकार समूह (एनएफपिजे)को २२ औं वार्षिकोत्सव तथा विशेष साधारण सभा राजधानीमा सम्पन्न भएको छ । 

कार्यक्रममा नेपाल पत्रकार महासंघका अध्यक्ष गोविन्द आचार्यले एनएफपिजे नेपालमा फोटोग्राफीलाई फोटो पत्रकारको रुपमा स्थापीत गराउने एनएफपिजेले खेलेको भूमिकाको स्मरण गरे । आचार्यले नेपाल पत्रकार महासंग एनएफपिजे संग सहकार्य र सहयोग गरेर अगाडी बढ्न तयार रहेको बताए ।

विशेष असाधारण सभाले तत्कालीन कार्यसमिति भङग गरी निर्बिरोध नयाँ कार्यसमिति चयन गरेको छ ।

कार्यक्रम एनएफपिजेका जेष्ठ सदस्य राजेन्द्र चित्रकारको अध्यक्षतामा सम्पन्न भएको हो । कार्यक्रममा पूर्व अध्यक्षहरु विकास रौनियार, कविन्द्रमान शाक्य र राजभाइ सुवाल उपस्थिति रहेको थियो । 

नयाँ कार्यसमितिमा अध्यक्ष राजेन्द्र चित्रकार गोरखापत्र दैनिक, उपाध्यक्ष कृष्ण खड्का रातोपाटी डट कम, महासचिव प्रदिपराज वन्त रासस, सचिव नवराज श्रेष्ठ हिमालय टाइम्स नेपाली, कोषाध्यक्ष लेखबहादुर श्रेष्ठ न्यूज अभियान, सह–कोषाध्यक्ष चन्द्रकला क्षेत्री नयाँ पत्रिका दैनिकबाट चयन भएका छन् ।

त्यसैगरी सदस्यहरुमा नवराज वाग्ले कान्तिपुर दैनिक, तेजबहादुर बस्नेत टुडे नेपाल न्युज, शोभा महर्जन, आर्यन धिमाल डिसि नेपाल डटकम, गगन अर्याल लोकान्तर डटकम, शुसिल श्रेष्ठ राजधानी दैनिक, मुकुन्द कालिकोटे रिपोर्टस क्लव डटकम, प्रदिप श्रेष्ठ अगुल्ठौ साप्ताहीक र राजेन्द्र थापा चयन भएका छन् ।