मुम्बई– भारतका सर्वाधिक धनी मुकेश अम्बानी र नीता अम्बानीकी २६ वर्षीया छोरी इशाको इटालीमा शुक्रबार एक भभ्य समारोहका बीच इन्जेगमेन्ट सम्पन्न भएको छ । 

व्यापारी आनन्द पीरामलसँग उनको इन्गेजमेन्ट भएको हो । सो समारोहमा सहभागि हुन बलिउड अभिनेत्री प्रियंका चोपडापनि आफ्ना हुनेवाला श्रीमान निक जोनासका साथ पुगेको भारतीय सञ्चारमाध्यमहरुले जनाएका छन् ।

उनको साथ फेसन डिजाइनर मनीया मल्होत्रा पनि देखिएका थिए । 

यसो त गएको जुनमा अम्बानीका छोरा आकार र श्लोका मेहनाको इन्गेजमेन्टमा पनि प्रियंका पुगेकी थिइन् । 

भारतीय सञ्चारमाध्यमहरुका अनुसार इन्जेजमेन्ट सकिएपछि पनि तीन दिनसम्म इटालीको एक रिसोर्टमा इन्गेजमेन्ट पार्टी चल्नेछ । जुन आइतबारसम्म जारी रहनेछ । 

अम्बानी परिवाले पाहुनाको लागि विशेष इटालीयन खानाको व्यवस्था गरेका छन् । 

को हुन् आनन्द ?
३३ वर्षीय आनन्द युनिभर्सिटी अफ पेनसिल्वेनियाबाट अर्थशास्त्रमा स्नातक हुन् । यस्तै हावर्ड विजनेस स्कुलबाट एमबीए पनि गरेका छन् । 

केही समय पहिले उनले दुई स्टार्टअप सुरु गरेका थिए । सुरुमा पीरामल इ–स्वास्थ्य सुरु गरेका  उनले त्यसपछि पीरामद रिएलटी खोलेका थिए । 

साथै उनी पीरामल ग्रुपका प्रवन्ध निर्देशक पनि हुन् । आनन्द ‘इन्डियन मर्चेन्ट चेम्बर’ को सबैभन्दा कम उमेरका अध्यक्ष पनि बन्न सफल भएका थिए ।