कविता : दशैं नजिक आएजस्तो लाग्छ

प्रतिकात्मक तस्वीर
असोज ७, २०७५

शरद ऋतुको आगमनसँगै मौसममा माधुर्यता छाएजस्तो लाग्छ । 
कताकता आजभोलि दशैं नजिक आएजस्तो लाग्छ ।

चराचुरूङ्गीले सुमधुर गीत गुनगुनाएजस्तो लाग्छ ।
सयपत्रीको बिरुवाले पनि नयाँ यौवन पाए जस्तो लाग्छ ।
कताकता आजभोलि दशैं नजिक आएजस्तो लाग्छ ।


ADVERTISEMENT

आकाशमा सुन्दर शरदको रौनक छाएजस्तो लाग्छ ।
घामले पनि मुहारमा सुन्दर लाली लाएजस्तो लाग्छ ।
कताकता आजभोलि दशैं नजिक आएजस्तो लाग्छ ।

वर्षातले छाडेका हिलोमैलो पानीले बगाएजस्तो लाग्छ ।
परदेसिएकालाई पनि घरगाउँको यादले सताएजस्तो लाग्छ ।
कताकता आजभोलि दशैं नजिक आएजस्तो लाग्छ ।

किसानीले वर्षात् र खेतीपातीको थकान मेटाएजस्तो लाग्छ ।
भक्तजनले पापी महिषासुर बध गर्न दुर्गाभवानी बोलाएजस्तो लाग्छ ।
कताकता आजभोलि दशैं नजिक आएजस्तो लाग्छ ।

असोज ७, २०७५ मा प्रकाशित

प्रतिक्रिया दिनुहोस