बलिउडकी चर्चित नायिका तब्बू ४६ वर्ष पुगिन् तर उनी अझैसम्म अविवाहित नै छिन् । 

उनीमात्रै होइन १९९४ मा मिस युनिभर्स बनेकी सुष्मिता सेन पनि अविवाहित छिन् । 

४२ वर्ष पुगेकी उनको समयमा अफेयर नचलेका होइनन् ।  उनी निकै लामो समयसम्म रणदीप हुड्डासँग सम्बन्धमा रहिन् । उनले दुई छोरीलाई धर्मपुत्रीको रुपमा पालेकी छिन् ।

यसैगरी ‘कहो ना प्यार हे’ जस्ता सुपरहिट फिल्मबाट बलिउडमा पाइला टेकेकी अमिषा पटेलको उमेरले  ४२ वर्ष पुगेकी छिन् । 

तर उनी पनि अहिलेसम्म अविवाहित नै छिन् । यद्यपी, उनी फिल्म निर्देशक विक्रम भट्टसँग सम्बन्धमा भएको खबरले निकै लामो समयसम्म चर्चा पाइरह्यो ।  अहिले भने उनी आफूलाई सिंगल रहेको बताउँछिन् ।

 नायिका नगमा ४३ वर्ष पुगिन् र उनी अहिलेसम्म सिंगल छिन् । उनको भारतीय क्रिकेटका पूर्व कप्तान सौरव गांगुलीसँग सम्बन्ध भएको चर्चा थियो । 

ग्यांगस्टर अबू सलेमसँग सम्बन्धका कारण विवादमा रहेकी नायिका मोनिका बेदी ४३ वर्ष पुगिसकेकी छिन् । जेलबाट छुटेपछि मोनिका एकपटक पुनः फिल्म र टेलिभिजनमा फिर्ता हुन कोसिस गरिरहेकी छिन् । उनी अहिलेसम्म सिंगल छिन् ।

यसैगरी टेलिभिजन सिरियल ‘कहानी घर घरकी’ बाट चर्चित भएपछि बलिउड फिल्ममा काम गरिसकेकी नायिका साक्षी तंवर पनि सिंगल छिन् । उनी  ४५ वर्ष पुगिन्  ।