अमेरिकाबाट एम–१६ राइफल किन्दै नेपाली सेना

असोज ८, २०७५

काठमाडौं–नेपाली सेनाले इन्सास र एसएलआर हतियार विस्थापन गरेर माततहतका सबै फौजलाई अमेरिकी सेनाले प्रयोग गर्दै आएको ‘एम–१६’ राइफल उपलब्ध गराउने भएको छ।

करिब १५ वर्षपछि एकै पटक एम–१६ राइफलसहित सेनाले अमेरिकाबाट ठूलो परिणाममा घातक सैन्य सामग्री किन्न लागेको हो। एउटा एम–१६ राइफलको मूल्य एक हजार ५०० देखि तीन हजार अमेरिकी डलरसम्म पर्ने छ। 


ADVERTISEMENT

करिब ९७ हजार फौज तैनाथ रहेकोमा आगामी चार वर्षभित्र इन्सास र एसएलआर राइफल विस्थापित गर्नेगरी नयाँ हतियार किन्ने प्रक्रिया अघि बढाइएको सेनाले जनाएको छ।

यी हतियार ‘जी–टु–जी’ प्रक्रियाअन्तर्गत अमेरिकाबाट सीधै हवाइमार्गबाट ल्याइने आजको कारोवार दैनिकमा खबर छापिएको छ । 
 

असोज ८, २०७५ मा प्रकाशित

प्रतिक्रिया दिनुहोस