बिग बोस सीजन १२ को पहिलो हप्तामा कुनै पनि प्रतियोगी एलिमिनेट भएनन् । यस हप्ता प्राविधिक रुपमा कुनै एक प्रतिस्पर्धी बाहिरिनु पर्ने थियो तर पहिलो हप्ता कसैलाई पनि घरबाट निकालिएको छैन । यस हप्ता तीन जोडिलाई नोमिनेट गरिएको थियो । 

रोशमी–कृति, सौरभ–शिवाशीष तथा सबा–सोमी मध्ये एक प्रतिस्पर्धी घरबाट बाहिर हुने स्थिति थियो । 

सुल्तानी अखडामा दीपिका तथा सृष्टिले टास्क जीते र सलमानले उनीहरुलाई यो हप्ता कुनै काम नगर्ने पावर दिए । 

जब घर बाट बाहिरिने प्रतियोगीको नाम शुरुमा सलमानले लिए तव उनीहरु हतास देखिए । तर सलमानले कसैलाई पनि घरबाट बाहिर पठाएनन् ।

यो शो को प्रीमियर एपिसोडमा नै सलमाने पहिलो हप्तामा नै प्रतियोगीलाई बिदा गर्ने कुरा आफूलाई मन नपरेको बताएका थिए । 

सलमानले बिग बोससँग पहिलो हप्तामा कसैलाई शो बाट विदा नगर्न र दोस्रो हप्ताबाट मात्र बिदा गर्न अनुरोध गरेका थिए । 

अब हेर्न बाँकी छ कि आगामी हप्ता कुन खेलाडी घरबाट बाहिर हुनेछन् ।