पुस १८, २०८०
देशका विभिन्न शहरमा गरिब–मजदूरहरूले छाक काटेर सहकारीमा जम्मा गरेको पैसा बदनियतपूर्ण ढंगले हिनामिना गरेर टेलिभिजनमा लगानी गरेको विषयले बजार तातिरहेको छ, जसमा जोडिएका छन् रास्वपा सभापति रवि लामिछाने...
काठमाडौं – कञ्चनपुरकी बालिका निर्मला पन्तको बलात्कारपछि हत्या प्रकरणले देशव्यापी रुप लियो । अपराध अनुसन्धानमा प्रहरीदेखि सरकारको शंकास्पद भूमिका देखिएपछि नागरिकहरू देशभर सडकमा आए ।
यसबीच न्याय माग्दै काठमाडौं आएका आमाबुवा दुर्गा र यज्ञराजले प्रधानमन्त्रीसम्म भेटे । प्रधानमन्त्रीले ‘घर फर्किन’ भनेपछि आमाबुवा महेन्द्रनगर फर्किएका छन् । प्रधानमन्त्रीलाई भेट्नुअघि उत्कर्षमा पुगेको आन्दोलन आमाबुवा घर फर्किएपछि केही सेलाएजस्तो देखिन्छ ।
आक्रोशित हुँदै न्यायका लागि सडकमा पोखिएको जनदबाब अहिले किन सेलायो ? आन्दोलन सेलाउनुको अर्थ – अपराधी पत्ता लाग्ने सरकारप्रतिको विश्वास हो कि जतिसुकै दबाब दिएपनि अपराधी पत्ता नलाग्ने अवस्था मिश्रित निराशा ? केही व्यक्तिले ठूला हत्याकाण्डमा अपराधी पत्ता नलागेको प्रसंग जोडेर निर्मला हत्याकाण्डलाई पनि अपराधी पत्ता नलाग्ने कोणमा अथ्र्याउने गरेका छन् । तर, आमबुझाइ त्यस्तो छैन ।
आन्दोलन देशव्यापी विस्तार
सामान्य रुपमा दबाबमूलक कार्यक्रम देशभर विभिन्न जिल्लामा भई नै रहेका छन् । शान्तिपूर्ण रुपमा भइरहेका आन्दोलनमा प्रहरीले दमन नगरेका कारण हिंसात्मक नहुनु र हिंसात्मक नहुँदासम्म चर्चामा नआउने गरेका कारण निर्मलालाई न्याय आन्दोलन सेलाएजस्तो देखिएको हो । सामाजिक सञ्जालमा पनि पहिलाजति बहस भइरहेको छैन । किनकि बहस गर्ने नयाँ विषयवस्तु छैन ।
महेन्द्रनगरबाट उठान भएर देशव्यापी बनेको निर्मला हत्या प्रकरणले समाजमा केही तथ्य स्थापित गरेको छ । यसबीच आन्दोलनमा प्रहरीले गोली चलाउँदा शनि खुनाको मृत्यु भएको छ भने केही युवा गम्भीर घाइते भएर अहिले पनि उपचाररत छन् । शनि खुनाको शहादत र अन्य युवाको त्यागले नै निर्मला हत्याकाण्डलाई एउटा रुप मिलेको छ ।
मुद्दा देशभर स्थापित
लगातारको खबरदारी र आन्दोलनको अवधि २ महिना पुग्नैलाग्दा घटनालाई देशले बुझेको छ । घटना छानबिनको प्रारम्भमै प्रहरीले गम्भीर लापरवाही गरेको, प्रमाण नष्ट गरेको, गृहमन्त्री र प्रधानमन्त्रीले गलत तथ्य बोल्दै अभियुक्तलाई प्रोत्साहन मिल्ने आशयका अभिव्यक्ति दिएको कुरा स्थापित भइसकेको छ । निर्मला पन्तका बलात्कारी–हत्यारा खोज्ने विषयलाई यसै सेरोफेरामा केन्द्रीत गरेपनि अपराधी भेटिने आमबुझाइ बनेको छ ।
महेन्द्रनगरमा शुरूवाती आन्दोलन हुँदा केही मान्छेले ‘अपराधी छुटाउन आन्दोलन भइरहेको’ भनेर प्रचार गर्दै न्याय माग्ने आन्दोलनलाई बदनाम गर्न खोजेका थिए । प्रधानमन्त्रीले एउटा टेलिभिजन अन्तर्वार्तामा व्यक्त गरेका विचारमा पनि त्यसको झल्को थियो । तर, अहिले त्यो मिथ्या आरोपलाई प्रतिवाद गर्ने तर्क र क्षमता भएका न्यायमूर्ति धेरै तयार भइसकेका छन् । यो निरन्तर आन्दोलनको ठूलो उपलब्धी हो ।
आन्दोलनको उठान नभएको भए सायद निर्दाेष दिलिपसिंह विष्ट अपराधी करार भइसकेका हुन्थे । स्थानीय प्रहरीदेखि प्रधानमन्त्रीसम्म पुगेका सूचनाले दिलिपसिंह विष्टले नफस्ने कुनै सम्भावना देखिँदैनथ्यो । ‘डीएनए’ त एउटा देखाउने बहाना मात्रै हो । आन्दोलनको बलले एउटा निर्दाेषलाई फस्नबाट बचाएको छ र निर्मलाका वास्तविक हत्यारा पत्ता लाग्ने आशा जगाएको छ ।
निर्मलाका हत्यारा ‘शक्तिशाली’ भएको र प्रधानमन्त्रीलाई प्रभावमा राख्न सक्ने सम्भावना रहेको कुरा समेत आन्दोलन र सामाजिक सञ्जालको बहसले स्थापित गरिदिएको छ । तसर्थ, शक्तिशाली बलात्कारी–हत्यारा सार्वजनिक नगरेर सरकारले छुट पाउने स्थिति छैन ।
न्याय मिल्ने आशा
‘निर्मलाका निम्ति न्याय’ माग्दै देशभर विशाल आन्दोलन भएपछि सरकारले अनुसन्धानमा लापरवाही गर्ने प्रहरी अधिकारीलाई निलम्बन गरेको छ । उनीहरूमाथि छानबिन गर्न र वास्तविक हत्यारा पत्ता लगाउन विभिन्न समिति गठन गरेको छ । संघीय संसदमा व्यापक आवाज उठेपछि गृहमन्त्रीले नै जवाफ दिएका छन् । यी विभिन्न प्रक्रियाले सरकार वास्ताविक बलात्कारी–हत्यारा खोज्न बाध्य हुने अवस्था उत्पन्न भएको विश्वास गरिएको छ ।
महेन्द्रनगरमा हिंसात्मक आन्दोलन हुँदा तत्कालीन प्रहरी नेतृत्वलाई विभागमा झिकाउनु र देशभर व्यापक आन्दोलन हुँदा मात्रै अनुसन्धानमा लापरवाही गर्ने अधिकारीलाई निलम्बन गर्नुले सरकार स्वस्फूर्त रुपमा काम गर्छ भन्ने विश्वास लाग्दैन । तर, आन्दोलन जसरी फैलियो र स्थापित भयो, त्यसले सरकारमाथि चर्काे दबाब चाहिँ बढेकै हो ।
सरकारले किन्तु–परन्तु गरेर हत्यारा खोज्नबाट भाग्न मिल्ने छैन । विभिन्न निकाय र समितिले अपराधमाथि अनुसन्धान गरिरहेको अवस्थामा अपराधी कानूनको कठघरासम्म पुग्दैनन् भनिहाल्नु पनि जायज हुँदैन । एउटा समितिले बेइमानी गरे, अर्काेले त्यसलाई सन्तुलनमा ल्याउँला भन्ने आमविश्वास देखिन्छ । यो विश्वासमाथि घात भएको देखिने दिन फेरि सरकारी कामकारवाहीमाथि नै प्रश्न खडा हुनेछ । निर्मलाका अपराधीले सजाय पाउने विषय अब निर्मलाका आमाबुवाको मात्रै मामिला रहेन, यो हरेक नेपाली र सरकारको प्रतिष्ठासँग जोडिएको विषय बनिसकेको छ ।
देशका विभिन्न शहरमा गरिब–मजदूरहरूले छाक काटेर सहकारीमा जम्मा गरेको पैसा बदनियतपूर्ण ढंगले हिनामिना गरेर टेलिभिजनमा लगानी गरेको विषयले बजार तातिरहेको छ, जसमा जोडिएका छन् रास्वपा सभापति रवि लामिछाने...
अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...
चरम आर्थिक संकटबाट गुज्रिएको श्रीलंकाले सन् २०२२ को अन्त्यतिर औषधि किन्ने क्षमता पनि गुमाएको थियो । ५० अर्ब डलरभन्दा बढीको विदेशी ऋण 'डिफल्ट' भएको थियो भने लाखौंले रोजगारी गुमाएका थिए । दशौं लाख मान्छे...
आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...
एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...
सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...