काठमाडौं–मिनि पार्लियामेन्ट भनिने संसदीय समिति सक्रिय बन्न थालेपछि संसदका बैठक दिउसोमा बस्न थालेका छन् । असोज ५ गते समितिले सभापति पाएपछि संसदीय समितिहरु सक्रिय बन्न थालेका हुन ।

यसअघि बिहान ११ बजे बस्दै आएका प्रतिनिधि सभा र राष्ट्रिय सभाको बैठक दिउसो बस्न थालेका हुन । बुधवार प्रतिनिधि सभाको बैठक दिउसो २ बजे र राष्ट्रि सभाको बैठक दिउसो ३ बजे बस्दैछन ।

समिति गठन भएको लामो समयपछि संसदीय समितिले नेतृत्व पाएसँगै समितिले काम थालेका छन् । बुधवार बिहान प्रतिनिधि सभा अन्तरगतको विकास समितिको बैठक बस्दैछ । 

संसद सचिवालय सिंहदरवारमा बस्ने बैठकमा दशैंको समयमा लामो दूरीका यातायात व्यबस्थापनको बिषयमा छलफल गर्ने कार्यसूची रहेको समिति सभापति कल्याणी खड्काले जानकारी दिइन ।

दशैंको समयमा यातायातको व्यबस्थापनबारे समितिले भौतिक योजना तथा यातायात मन्त्री रघुवीर महासेठ, मन्त्रालयका सचिव र यातायात व्यबस्था विभागका महानिर्देशकलाई समितिमा बोलाइएको छ ।