काठमाडौ–शहीद स्मारक ‘ए’ डिभिजन लिगअन्तर्गत बिहीबार दुई खेल हुँदैछन् । पहिलो खेलमा फ्रेण्ड्स क्लब र थ्री स्टार क्लब तथा दोस्रो खेलमा जावालाखेल युथ क्लब र नेपाल पुलिस क्लबबीच प्रतिस्पर्धा हुने छ । 

खेल अखिल नेपाल फुटबल सङ्घ (एन्फा)को सातदोबाटोस्थित मैदानमा हुने छ । यसअघि बुधबार भएको खेलमा च्यासल युथ क्लब र मछिन्द्र क्लबले गोलरहित बराबरी खेल्दै अङ्क बाँडेका छन् । दुुवै टोलीले गोलरहित बाराबरी खेल्दै अङ्क बाँडेका हुन् ।

---

ADVERTISEMENT

---

चार वर्षपछि भएको लिगको पहिलो चरण जारी रहँदा सङ्कटा क्लब तीन अङ्कसहित शीर्ष स्थानमा छ । सङ्कटाले सरस्वती युथ क्लबलाई १–० ले हराएको थियो । यही असोज १३ गतेदेखि शुरु भएर बङ्गबन्धु गोल्डकप अवधिका लागि नौ दिन रोकिएर लिग बुधबारदेखि पुनः सञ्चालन भएको हो ।

असोज २५, २०७५ मा प्रकाशित