अभिनेत्री एवं सांसद जाय बच्चन सबैभन्दा धनी राज्यसभा सांसद भएको तथ्य केही समयमा सार्वजनिक हुन सक्छ ।

हालसालै उनले समाजवादी पार्टी उम्मेदवारको रुपमा राज्यसभाको लागि दर्ता गरेकी छन् । यसक्रममा उनले सम्पति विवरण पनि बुझाएकी छिन् । 

कति छ सम्पत्ति ?

जया बच्चन तथा उनका पति अमिताभ बच्चनसँग १ हजार करोड भारतीय रुपैयाँ भन्दा धेरै सम्पत्ति छ । यो सम्पत्तिमा महँगो गाडी तथा करोडौंको सुनहिरा पनि छ । 

अमिताभ बच्चनसँग सम्पत्तिमा एक टाटा नानो कार तथा एक टयक्टर पनि छ । 

जया बच्चनले पेश गरेको सम्पत्ति विवरण अनुसार दुबैसँग करिब ६२ करोड रुपैयाँको सुन र गरगहना रहेको छ । रमाइलो कुरा के छ भने अमिताभसँग सबैभन्दा धेरै सुन र गहना छ । अमिताभ बच्चनसँग ३६ करोडको सुन र गरगहना र उनकी पत्नी जयासँग २६ करोडको सुन र गरगहना छ । 

बच्चनसँग करिब १३ करोड रुपैयाँको मूल्याका १२ गाडी छन् । यसमा एक रोल्स रोयस, तीन मर्सिडिज, ए पोर्श तथा एक रेन्ज रोवर जस्तो विलाशी गाडी छन् । अमिताभसँग एक टाटा नानो कार तथा एक ट्याक्टर पनि छन् । 
अमिताभसँग ९ लाख भारतीय रुपैयाँ(१४ लाख ४० हजार नेपाली रुपैयाँ) मूल्यको एउटा पेन पनि छ । बच्चन दम्पत्तिसँग करिब ४ करोड रुपैयाँ (नेपालीमा ६ करोड ४० लाख) को घडी पनि छ । अमिताभसँग ३.४ करोड रुपैयाँको घडी र जयाँ सँग ५१ लाखको घडी पनि रहेको छ । 

दुबैसँग फ्रान्सको ब्रिगनोगल प्लेजमा ३ हजार १ सय ७५ वर्ग मिटर क्षेत्रफलमा रहेको घरसहितको सम्पत्ति छ । भारतमा उनीहरुसँग नोएडा, भोपाल, पुणे, अहमदाबाद, गान्धी नगरमा जग्गा जमिन छ । 
अमिताभसँग बाराबंकीको दौतपुर क्षेत्रमा ५.७ करोड मूल्यको ३ बटा जग्गा छ । जयाको नाममा लखनउको काकोरी क्षेत्रमा २.२ करोड रुपैयाको १.२२ हेक्टर कृषि भूमी पनि रहेको भारतीय सञ्चारमाध्यमहरुले जनाएका छन् ।