काठमाडौं– बडादशैंको आज छैटौं दिन । गाउँ, शहर जताततै दशैंको रौनक छ । विभिन्न कामका लागि घरबाट बाहिरीएकाहरु जन्मथलो फर्कने क्रम जारी छ । 

यसैगरी दशैंका लागि खाद्यान्न, लत्ताकपडालगायतका सामग्री किन्नेको पनि बजारमा भीड छ । अर्कोतर्फ घर रंगरोगन गर्ने क्रम पनि चलिरहेको छ । 

तर, सर्वसाधारणका लागि  दशैंमा घर र्फकन र किनमेल गर्न सहजता भएको छैन । सेवा लिनका लागि सर्वसाधारणले बसपार्कदेखि बैंकसम्म लाइनमा बस्नु पर्ने बाध्यता छ । 

तस्बिरमा हेरौं सर्वसाधारणको वाध्यताः–

कञ्चनपुरको भीमदत्तनगर बजारस्थित बस पार्कमा भारतबाट दशैंका लागि घर फर्कन आएका यात्रुहरु बसेको प्रतिक्षा गर्दै ।

कञ्चनपुरको भीमदत्तनगर बजारस्थित बस पार्कमा भारतबाट दशैंका लागि घर फर्कन आएका यात्रुहरु बसमा सामान राख्दै । भारतबाट दशैंका लागि फर्कने यात्रुहरुको यहाँ निकै चाप रहेको छ । 

दमौलीस्थित कैलाश विकास बैंकमा लागेको सर्वसाधारणको भीड । दशैं लागेसँगै बैंक तथा वित्तीय संस्थामा सर्वसाधारणको भीड बढेको छ ।

नेपाल खाद्य संस्थाले जिउँदो भेंडाच्याङ्ग्रा प्रतिकिलो रु. सातसयमा बिक्रीका लागि राखिएको छ ।