काठमाडौं – नेपाल इन्भेष्टमेण्ट बैंक लिमिटेडले काठमाडौं, भक्तपुर, रसुवा र सर्लाहीका विभिन्न ६ स्थानमा एटीएम सेवा शुरू गरेको छ ।

काठमाडौंको सितापाइलास्थित वाफल शाखा, धापासीस्थित ग्राण्डी अन्तराष्ट्रिय अस्पताल, बालुवाटारस्थित नेपाल राष्ट्र बैंक गेट अगाडि, भक्तपुरको ठिमीस्थित भाटभटेनी सुपरमार्केट, रसुवाको धुन्छे एक्सटेन्सन काउन्टर तथा सर्लाहीको बरहथवा शाखामा सेवा थप गरिएको हो । 

स्थानीय जनतालाई छिटोछरितो तरिकाले आर्थिक कारोबार गर्न सहज होस् भन्ने उद्देश्यले एटीएम सेवा विस्तार गरिएको हो । यीसँगै नेपाल इन्भेष्टमेण्ट बैंक लिमिटेडको एटीएम संख्या १ सय ७ पुगेको छ । 

९ लाखभन्दा बढी उपभोक्ता रहेको नेपाल इन्भेष्टमेण्ट बैंक लिमिटेडको ७७ वटा शाखा रहेको छ । ६० वटा शाखारहित बैंकिङ सुविधा तथा ९ वटा राजस्व संकलन केन्द्रका साथै बैंकको सञ्जालमा भिसा तथा एनपीएन सदस्य बैंकका १ हजार बढी एटीएम रहेका छन् भने ३ हजार बढी पस टर्मिनल जडान भइसकेका छन् ।

बैंकले भर्खरै आन्तरिक तथा बाह्य बजारलाई लक्षित गरी २ प्रकारको एनआईबीएल मास्टर कार्ड प्रयोगमा ल्याएको छ । जुन नेपाल, भारतलगायत विश्वभर प्रयोग गर्न सकिन्छ । 

यूरोमनि अवार्ड ‘उत्कृष्ट बैंक नेपाल २०१८’ जितेको बैंकले ५ पटकसम्म ‘बैंक अफ द इयर’ अवार्ड प्राप्त गरिसकेकोे छ ।