काठमाडौं। अभिनेता तथा निर्माता जय किशन बस्नेतले नयाँ चलचित्र निर्माणको घोषणा गरेका छन् । उनले घोषणा गरेको चलचित्रको नाम ʻहिरो नं. १ʼ हो । चलचित्र यूनिट केही दिनमै छायाँकनमा जाने उनले जानकारी दिए ।

जय किशन निरन्तर चलचित्र निर्माण तथा अभिनयमा सक्रिय छन् । उनले निर्माण गर्न लागेको यस चलचित्रका कलाकारहरु भने खुलाइएको छैन् ।

जय किशन बस्नेत फिल्मस् प्रा.लिको प्रस्तुतीमा निर्माण हुन लागेको चलचित्रलाई तुलसी बाँस्कोटाले निर्देशन गर्नेछन् । चलचित्रमा जय किशनकै कथा रहनेछ । टंक बुढाथोकीको संगीत, एन.बि महर्जनको द्धन्द्ध, शिव विकको नृत्य रहने चलचित्रलाई जीवन श्रेष्ठले खिच्नेछन् । आगामी नयाँ वर्ष २०७६ को अवसर पारेर चलचित्र प्रदर्शनमा ल्याईने उनले बताए ।