काठमाडौं। भारतीय प्रधानमन्त्री नरेन्द्र मोदीले नेपालको शास्त्रीय सांगीतिक समूह ʻसुरसुधाʼकी मुख्य गायिका सरस्वती खत्रीको गायन कलाको प्रशंसा गरेका छन् । गायिका खत्रीको स्वरमा रेकर्ड गरिएको महात्मा गान्धीको प्रिय भजन ‘बैष्णव जन ते तेने कहिए’ सुनेपछि प्रधानमन्त्री मोदीले सोमबार अपरान्ह ट्वीटमार्फत गायिका खत्रीको प्रशंसा गरेका हुन । 

विश्व शान्तिका प्रणेता महात्मा गान्धीको १५० औं जन्म जयन्तीको अवसरमा राष्ट्रियसभा गृहमा आयोजित एक समारोहमा गायिका खत्रीले उक्त भजन गाएकी थिइन् । 

ट्वीटमार्फत प्रधानमन्त्री मोदीले गान्धीको उक्त प्रिय भजनले भारत र नेपालको सभ्यतामा निहित मूल्यलाई प्रतिबिम्बित गर्ने बताएका छन् । ट्वीट गर्दै उनले लेखेका छन—‘गायिका खत्रीको स्वरमा उक्त भजन श्रवण गर्न पाउँदा मेरो नेपाल भम्रणको स्मृतिहरु ताजा भएको छ ।’

गान्धीजी को प्रिय भजन “वैष्णव जन” #सुरसुधा सांगीतिक समूह नेपालकी सरस्वती खत्रीको सुमधुर आवाजमा श्रवण गर्न पाउँदा मेरो नेपाल भ्रमणको स्मृतिहरू ताजा भएको छ | “पीर पराई जाने रे” भजनले भारत र नेपालको सभ्यतामा निहित मूल्यलाई प्रतिबिम्बित गर्दछ | #Gandhi150 https://t.co/psAUp8lD7c

— Narendra Modi (@narendramodi) October 22, 2018