रुकुम– डेढ वर्षदेखि रोकिएको रुकुम पश्चिमको चौरजहारी विमानस्थल सञ्चालनमा आएको छ । नेपाल वायुसेवा निगमको जहाजले आजबाट उडान शुरु गरेको हो । हप्तामा दुई दिन बुधवार र बिहीबार उडान हुने गरी विमानस्थल पुनः सञ्चालनमा आएको निमित्त स्टेशन प्रमुख सुरेन्द्र नेपालीले बताए ।

उडान शुरु भएको पहिलो दिन आज चौरजहारीबाट आठजनाले नेपालगञ्जसम्मको हवाई यात्रा गरेका छन् । झण्डै डेढ बर्षपछि हवाई सेवा सञ्चालन हुँदा स्थानीय खसी भएका छन् । यसअघि नेपाल वायुसेवा निगमसँग प्रयाप्त जहाज र पाइलट नभएको भन्दै गत वर्षको जेठ अन्तिम साताबाट चौरजहारी बिमानस्थलको उडान बन्द गरिएको थियो ।

हवाई सेवा सञ्चालनका लागि जिल्लाका सरोकारवाला निकाय, स्थानीय सरकार तथा निर्वाचित जनप्रतिनिधिले सम्बन्धित पक्षसँग पहल गरेका आएका थिए । २०२८ सालबाट सञ्चालमा आएको चौरजहारी विमानस्थलको थप स्तरोन्नतीका लागि पाँच वर्षअघि धावनमार्गमा कालोपत्रे गरिएको थियो ।