श्याओमीको पोकोफोन एफवान नेपाली बजारमा

कात्तिक १५, २०७५

काठमाडौं – अन्तर्राष्ट्रिय मोबाइल निर्माता श्याओमीले नेपाली बजारमा पहिलो पटक आफ्नो पोकोफोन सबब्राण्डको पोकोफोन एफवान स्मार्टफोन भित्र्याएको छ ।

श्याओमीभित्रकै निकै अनुभवी टोलीबाट निर्मित पोकोफोनले स्मार्टफोन प्रयोगको अनुभवलाई झन्झटमुक्त बनाउने छ । सार्वजनिक भएको पोकोफोन एफवान, पोकोफोन ब्राण्डको पहिलो स्मार्टफोन हो । यो स्मार्टफोनले ब्राण्डको मिसनलाई राम्रोसँग बाँधेर राखेको छ । फोनको विशेषता भनेको यसमा प्रयोग भएको अत्याधुनिक क्वालकोम स्नापड्रागन ८४५ प्लाटफर्म, प्रभावशाली लिक्विड कुल टेक्नोलोजी कुलिङ्ग सिस्टम र ४००० एमएएचको ब्याट्री हो ।


ADVERTISEMENT

श्याओमी नेपालका कन्ट्री जेनरल म्यानेजर सौरभ कोठारी भन्छन्, ‘पोको मतलब सानो । हाम्रो सोच भनेको सानो तरिकाले सुरुवात गर्ने तर ठूलो सपना देख्न नछोड्ने हो । पोको श्याओमी भित्रको एउटा सानो अंश हो । पोकोले शून्यबाट नै स्वतन्त्र तरिकाले आफ्नो प्रोडक्टमा कसरी धेरैभन्दा धेरै विकल्पहरू र अत्यावश्यक प्रविधिको दिने कुराहरुमा ध्यान दिएको छ । त्यसैले हामीहरुले यस्तो स्मार्टफोन बनाएका छौं जसले पत्याउनै नसकिने परफर्मेन्स दिन्छ । यसको समयसापेक्ष प्रविधिले टेक्नोलोजी उत्साही जमातलाई अवश्य पनि तान्ने छ ।’

नवीन र शक्तिशाली यो स्मार्टफोन अत्यन्त आकर्षक मूल्यमा किन्न पाइने छ । श्याओमीको विशेषता भनेकै सही मूल्यमा धेरैभन्दा धेरै आकर्षक सामान बजारमा ल्याउनु हो । कात्तिक २५ बाट ३४ हजार ९ सय ९९ रुपैयाँमा यो स्मार्टफोन सजिलै किन्न पाइने छ । यसमा ६ जीबीको र्याम र ६४ जीबीको रोम हुनेछ ।

पोकोफोन एफवान, मास्टर अफ स्पीड

पोकोफोन एफवान गेमिङको गर्नको लागि र ठूला किसिमका आप्लिकेसन प्रयोग गर्न रुचाउने उपयोगकर्ताको लागि उपयुक्त स्मार्टफोन हो । यसमा रहेको शक्तिशाली क्वालकोम स्नापड्रागन ८४५ एसओसी र लिक्विडकुल कुलिङ प्रविधिले सिस्टम स्लो हुने र फोन तात्ने समस्याबाट प्रयोगकर्तालाई मुक्त गर्नेछ । लामो समयसम्म उच्च परफर्मेन्स दिनेछ । विविध आन्तरिक परीक्षणले फोनको सिस्टम अरु साधारण फोनको सिस्टमभन्दा ३०० प्रतिशतले प्रभावकारी भएको देखाएको छ । कारण यसले सीपीयूमा आउने तातोपनलाई छिट्टै चिसो बनाउँछ ।

पोकोफोन एफवानमा भएको ४००० एमएच ब्याट्रीबाट ८ घण्टासम्म लगातार गेमहरू खेल्न सकिन्छ । एआई डुअल क्यामेरा र २० एमपीको फ्रन्ट क्यामेराबाट अब असीमित रुपमा फोटो खिच्नुस् ।

पोकोफोन एफवानले सुन्दर फोटो लिन्छ । किनभने यसको एआई डुअल क्यामेरामा छ १२ एमपी सोनी आइएमएक्स ३६३ प्राइमेरी सेनसर जसको डुअल पिक्सल अटोफोकसले लो लाइट र ब्याकलिट भएको अवस्थामा पनि राम्रो फोटो निकाल्छ ।

पोकोफोन एफवानको अगाडिपट्टि २० एमपीको सेनसर छ । जसको सुपर पिक्सल प्रविधिले चार पिक्सलको जानकारी जोडेर एउटा १.८ माइक्रोमिटर पिक्सलमा परिवर्तन गर्न सक्नेछ । यो गर्दा फोटोहरु सफा र नोइजमुक्त हुनेछन् । पछाडिपट्टि र अगाडिपट्टिका दुवै क्यामेरामा एआई सुविधाहरू छन् । जस्तै ः एआइ पोर्टेट, एआइ ब्यूटिफाइ र एआइ सिन डिटेक्सन ।

पोकोफोन एफवानमा इनफ्रारेड इल्यूमिनेटर र इनफ्रारेड क्यामेरा पनि छ । जसले एआइ फेस अनलक गर्ने सुरक्षा सुविधा दिन्छ । अँध्यारो र उज्यालो दुवै स्थितिमा यो सुविधा प्रयोग गर्न सकिन्छ ।

पोकोफोन एफवान ग्राफाइट ब्ल्याक र स्टिल ब्लू ब्याक कभरमा उपलब्ध छ । यो फोन दराज डटकमबाट केवल ३४ हजार ९ सय ९९ रुपैयाँमा किन्न पाइने छ । दराजको ११.११ सेलमा यो फोनको ६ जीबी ं६४ जीबी मोडल ३३ हजार ९ सय ९९ रुपैयाँमा उपलब्ध हुनेछ । यो अफर कात्तिक २५ बाट शुरू हुनेछ ।

श्याओमीको बारेमा

श्याओमी कर्पाेरेसनको स्थापना सन् २०१० को अप्रिलमा भएको हो र जुलाई २०१८ मा यो कम्पनीले हङकङ स्टक एक्चेन्जको मेन बोर्डको सूचीमा परेको छ । श्याओमी एउटा इन्टरनेट कम्पनी हो । जसको स्मार्टफोन र स्मार्ट हार्डवेयर आईओटी प्ल्याटफर्मसँग जोडिएको छ ।

आफ्नो उपयोगकर्तालाई साथी बनाउनु र उनीहरूको नजरमा एउटा ‘कुल कम्पनी’ हुनु नै श्याओमीको उद्देश्य हो । श्याओमी नवीन खोज, गुणस्तरीय र प्रभावकारी सेवाको लागि प्रतिबद्ध रहेर बढ्दै छ । विश्वस्तरीय सामानलाई उचित मूल्यमा सबैका लागि उपलब्ध गराएर जनजीवनलाई प्रविधिमय बनाउन श्याओमी सधैं लागिपर्ने छ ।

श्याओमी संसारकै चौथो ठूलो स्मार्टफोन ब्राण्ड हो । यसले संसारकै सबैभन्दा ठूलो आईओटी उपभोगता प्लाटफर्म स्थापना गरेको छ । यस प्लाटफर्मको उपयोग १० करोड स्मार्ट डिभाइसले गर्छन् । अहिले श्याओमीको उत्पादनहरू ७० भन्दा धेरै देश र क्षेत्रहरूमा प्रयोग हुन्छन् ।

कात्तिक १५, २०७५ मा प्रकाशित

प्रतिक्रिया दिनुहोस

ताजा समाचार