काठमाडौं– काठमाडौं उपत्यका तीन जिल्लाका अधिकांश वृद्धवृद्धामा छातीसम्बन्धी रोग देखिएको छ । उपत्यकामा बढ्दो प्रदुषण र धुलो–धुवाँका कारण ज्येष्ठ नागरिकहरुमा छातीसम्बन्धी समस्या बढेको देखिएको हो । 

ललितपुरको जाउलाखेलस्थित क्लिनिक वनले आयोजना गरेको निःशुल्क स्वास्थ्य शिविरमा परीक्षण गर्न आएका अधिकांश वृद्धवृद्धामा छातीको सं    क्रमण देखियो । 

क्लिनिक सञ्चालक रघु राणाका अनुसार शिविरमा उपत्यकाका ३ जिल्लाका ८५ जना ज्येष्ठ नागरिकले स्वास्थ्य परीक्षण गराएका थिए । जसमध्ये अधिकांशमा छातीको संक्रमण देखिएको राणाले बताए । 

छातीरोग विशेषज्ञ एकता मल्ला राणाका अनुसार धुलो–धुवाँ र प्रदुषणको असरले वृद्धवृद्धामा छातीको संक्रमण बढ्दै गएको छ । यस्तै कतिपय वृद्धवृद्धामा भने फोक्सो र स्वासप्रस्वास सम्बन्धी समस्या पनि देखिएको छाती रोग विशेषज्ञ मल्लले बताइन् ।