जुम्ल्याहा दिदीबहिनीले दुई घन्टाको फरकमा जन्माए सन्तान

कात्तिक २२, २०७५

काठमाडौं — अमेरिकाको क्यालिफोर्नियामा उस्तै अनुहार भएका जुम्ल्याहाले दुई घन्टाको अन्तरमा बच्चा जन्माएका छन् । 

फ्रेस्नो बी पत्रिकाले बुधवार यसको समाचार लेख्दै बाओकोउ याङलाई आइतवार बेथा लाग्यो । त्यसको केही समयपछि उनकी बहिनी बाओन्हिया याङले पनि बेथा लागेको बताइन् । 

बाओकोउले आइतवार साँझ सात बजे बच्चा जन्माइन् । उनकी बहिनीले पौने नौ बजे बच्चा पाइन् । 

दुवैले छोरी जन्माए र छोरीहरूको तौल लगभग उत्ति नै छ । 

यी जुम्ल्याहाहरू १४ सन्तान भएको परिवारका सदस्य हुन् र उनीहरू फ्रेस्नोमा हुर्कदाँ एकअर्कासँगै नछुट्टिइकन बस्थे । 

दिदीबहिनीमध्ये कसले पहिले सन्तान जन्माउने भनी बाजी थापेका थिए तर सन्तानको जन्म यति छोटो अन्तरमा होला भनी उनीहरूले सोचेका थिएनन् । उनीहरूको ड्यु डेटमा दुई दिनको फरक थियो । 

उनीहरू आफ्नै जस्तो छोरीहरूको पनि जन्मदिन एकै दिन परेकोमा उत्साहित भएका छन् । 

एजेन्सी


ADVERTISEMENT

कात्तिक २२, २०७५ मा प्रकाशित

प्रतिक्रिया दिनुहोस