काठमाडौं — बलिउड अभिनेताहरू रणवीर सिंह र दीपिका पादुकोण बुधवार बिहे गर्दैछन् । यो बिहेको प्रतीक्षा प्रशंसकहरूले लामो समयदेखि गरिरहेका थिए ।

दीपिका र रणवीरले प्रीतिभोजमा जिन्सी उपहार नलिने भएका छन् । यसका बारेमा उनीहरूले पाहुनालाई रिसेप्सन कार्डमा जानकारी दिएका छन् । 

उनीहरूले सबै पाहुनालाई जिन्सी उपहार नलिइकन आउन भनेका छन् । उपहार दिन चाहनेले परोपकारमा दान दिऊन् भन्ने उनीहरूको अपेक्षा छ । 

दीपिका र रणवीर एक संस्थामा जोडिएका छन् र उनीहरू सबै उपहार परोपकारका रूपमा त्यही संस्थालाई जाओस् भन्ने चाहन्छन् । 

रणवीर र दीपिकाको रिसेप्सन कार्ड सामान्य भन्दा फरक र हाईटेक छ । कार्डमा प्रस्ट लेखिएको छ ः प्रीतिभोजमा आउने पाहुनाले आफ्नो मोबाइलमा यो कार्डको बिजुली निमन्त्रण लिएर आउनुपर्ने हुन्छ । सुरक्षाका कारण प्रीतिभोज
हुने ठाउँमा सबै पाहुनाले बिजुली निमन्त्रणमा भएको क्यूआर कोड स्क्यान गराउनुपर्छ । 

दीपिका र रणवीरको बिहेको प्रीतिभोज नोभेम्बर २८ मा मुम्बईमा हुँदैछ ।

एजेन्सी