काठमाडौं– त्रिभुवन अन्तर्राष्ट्रिय विमानस्थलबाट एक युवती सुनका बालासहित पक्राउ परेकी छन् । 

हिमालय एयरको उडानमार्फत साेमवार विहान कतारबाट काठमाडौं उत्रिएकी सिरहाको मिर्चैया–२ घर भएकी रुवी कुमारी महतो सुनका बालासहित पक्राउ परेकी हुन् । 

रुवीको साथबाट बरामद भएको सुनको परिमाण १ सय ९९ ग्राम रहेको प्रहरीले जनाएको छ । 

लगेजसँगै लुकाइ छिपाइ लैजाने क्रममा महतोलाई सुनका बालासहित पक्राउ गरिएको प्रहरीले जनाएको छ । महतोलाई नियन्त्रणमा लिएर थप अनुसन्धान भइरहेको जनाइएको छ ।