काठमाडौं — अमेरिकी विश्लेषकहरूले उत्तर कोरियाका २० क्षेप्यास्त्र विकास स्थलहरूमध्ये आधी पत्ता लगाएको सोमवार बताएका छन् । 

आफ्नो आणविक र क्षेप्यास्त्र कार्यक्रम अन्त्य गर्नका लागि उत्तर कोरियालाई मनाउनका लागि ट्रम्प प्रशासनमाथि यसले चुनौती तेर्स्याएको छ । 

उत्तरसँगको सम्झौता वार्ता सुस्ताएको बेलामा यो खोज परिणाम जारी भएको हो । व्यावसायिक भूउपग्रहीय तस्वीरबाट यो कुरा पत्ता लागेको हो र १३ वटा गोप्य स्थानको पहिचान खुलेको हो । 

प्योङयाङले क्षेप्यास्त्रको काम निरन्तर छ यद्यपि उसले परीक्षणहरू बन्द गरेको छ । अमेरिकाका राष्ट्रपति डोनल्ड ट्रम्प र उत्तर कोरियाका नेता किम जोङ–उनबीच सिंगापुरमा भएको शिखर वार्तापछि यो उपलब्धि हासिल भएको ट्रम्प प्रशासनले घमण्ड गर्दै आएको छ । 

क्षेप्यास्त्र विकास क्षेत्रलाई सबै किसिमका ब्यालिस्टिक क्षेप्यास्त्र बनाउन प्रयोग गरिने त्यसैले यिनीहरूको बारेमा उत्तर कोरियाले घोषणा गर्नुपर्ने र तिनको निरीक्षण गर्न दिनुपर्ने अमेरिकी विश्लेषकहरूको भनाइ छ । 

एजेन्सी