काठमाडौं– व्यस्त सडकमा ८० दिनदेखि आफ्नी मृत मालिकलाई कुरेर बसेको एउटा कुकुरको भिडियो यतिबेला सामाजिक संजालमा भाइरल छ । यो खबर मंगोलियाको हो ।  
 मालिकको मृत्यु भएकै सडकमा दैनिक उभिएर शोक मनाउने गरेको यस इमान्दार कुकुरको भिडियो चिनियाँ सामाजिक संजाल वेइबोमा मात्र १४ लाख पटक हेरिएको बीबीसीले जनाएको  छ । समाचारअनुसार मालिकको  अगस्ट २१ मा मृत्यु भएको थियो र त्यसै दिनदेखि सो कुकुर त्यही सडकमा कुरेर बस्ने गरेको बताइएको हो । 
यसबारे चीनको पियर भिडियो वेबसाइटले भिडियो बनाइ केही दिन अगाडि मात्र सामाजिक संजालमा शेयर गरेको थियो । 

समाचार अनुसार सडकका  यात्रुहरुले उसलाई खानेकुरा दिन र मद्दत गर्ने प्रयास गरिसकेका छन् । तर अरु मान्छे नजिक आउनासाथ ऊ परपर भाग्ने गरेको छ । यस घटनाबाट सो कुकुर र त्यसको मालिकबीचको सम्बन्ध वास्तवमै अत्यन्तै गहिरो रहेको देखिएको समाचारमा लेखिएको छ ।