काठमाडौं — एयर इन्डियाको विमानमा बिजनेस क्लासमा चढेकी एक आइरिस महिलाले रक्सीको नशामा चूर भएर उत्पात मच्चाएकी छन् । उनले विमान कर्मचारीहरूमापिथ अभद्र व्यवहार देखाइन् ।

ती आइरिश महिला मुम्बईबाट लन्डन गइरहेकी थिइन् । उनले आफू फौजदारी वकिल भएको र आफूले मानवअधिकारका विषयमा धेरै काम गरेको भन्दै एयर होस्टेसलाई गाली गरिन् । 

उनले एक विमान कर्मचारीलाई थप्पड पनि हिर्काइन् । लन्डनको हीथ्रो विमानस्थलमा विमान अवतरण गरेपछि महिलालाई पक्राउ गरियो । 

एक विमान कर्मचारीले घटनाको भिडियो पनि बनाए । त्यसमा महिला यात्रीले ४० पटक अपशब्द बोलेको सुनिन्छ । 

घटना एयर इन्डिायाको फ्लाइट एआई १३१ मा भएको हो । नोभेम्बर १० तारिख अर्थात् शनिवार यो घटना भएको हो । 

एक सूत्रले बतायो, ‘महिल यात्री सीट नम्बर १जेमा बसेकी थिइन् । रेड वाइनको दुई क्वार्टर रित्याएपछि उनी इकोनोमी क्लासको बाथरूममा गइन् । त्यहाँ उनले चुरोट पिइन् तर स्मोक अलार्म बजेन ।’

त्यसपछि उनी सीटमा फर्किइन् र वाइनको थप दुई बाृतल रित्याइन् । अनि उनी चिच्याएर कुरा गर्न थालिन् । 

सूत्रले भन्यो, ‘उनले फेरि अर्को बोतल माग्दा विमान कर्मचारीले अस्वीकार गरिदिए । अनि महिलाले उनलाई धकेल्ने धम्की दिइन् । उनले वाइनको खुला बोतल देखेपछि नसोधिकनै त्यो लिइन् ।’

विमान कर्मचारीले त्यसपछि फ्लाइट कमान्डरलाई यात्रीको हर्कतका बारेमा बताए । त्यसपछि कमान्डरले महिलालाई रक्सी नदिन भने । 

पछि यात्रीले क्याप्टेनको चेतावनी पत्र अन्य यात्रीसमक्ष चिच्याई चिच्याई पढिन् । अनि उनी एउटा ग्यालरीमा गइन् र एक विमान कर्मचारीलाई थप्पड हानिन् ।

एजेन्सी