काठमाडौं– बुधबार कोंकणी संस्कारअनुसार विवाह गरेका रणवीर सिंह र दीपिका पादुकोणकाे आज  सिंधी संकार अनुसार बिहे हुँदैछ । 

दैनिक भास्करका अनुसार  दीपिका र रणवीरको बिहिबार सिंधी संस्कार अनुसार हुने बिहेमा  बलिउड स्टार शाहरुख खान, आदीत्य चोपडा र  फराह खान इटाली पुग्ने सम्भावना छ । 

समाचारअनुसार सो विहेमा जम्मा ४० पाहुनालाई बोलाइएको छ  । 

यसअघि पाहुकाको लिस्टमा बलिउडका कोही पनि हस्तीको नाम नभएको बताइएपनि फिल्मफेयरको ताजा रिपोर्टअनुसार शाहरुख लगायतका स्टार जाने तयारीमा रहेको दाबी गरिएको हो । 

दीपिकाले सञ्जय लिला भन्सालीको पद्मावत लगायतका केही चर्चित फिल्ममा काम गरेकी छिन् । 

उनै भन्साली पनि दीपिका–रणवीरको विवाह समारोहमा सहभागि हुने तयारीमा रहेका खबर भारतीय सञ्चारमाध्यमहरुले लेखेका छन् ।