१७ वर्षीया किशारीमाथि बलात्कारका अभियुक्त छुटेसँगै आयरल्याण्डमा ‘यौनका लागि सहमति’को विषयमा कयौं स्थानमा विरोध प्रदर्शन भइरहेको छ । 

मुद्दाको सुनुवाई चलिरहेको समयमा अभियुक्तका वकिलले अदालतमा भने‘तपाईले उनले लगाएको कपडा पनि हेर्नुपर्छ, उनले थोंग(अन्डरवेयर) लगाएकी थिइन् जसको अगाडिको भागमा फित्ता थियो ।’
अदालतले २८ वर्षीय अभियुक्तलाई दोषी नभएको ठहर ग¥यो ।

अदालतको फैसमा विवाद भएसँगै ‘बलात्कार पीडितमाथि नै आरोप लगाइएको’ मुद्दा उठाउनका लागि आयरल्याण्डकी एक महिला सांसद सदनमा अन्डरवेयर लिएर उपस्थित भएकी थिइन् ।

सांसद रुथ क्यापिंगरले संसदमा नीलो रंगको फित्तावाला अन्डरवेयर देखाउँदै भनिन्,‘यहाँ थोंग(अन्डरवेयर) देखाउन लाजमर्दौ हुनसक्छ । तर तपाईले सोच्नुपर्छ कि जब एक महिलाको अन्डरवेयरलाई अदालतमा देखाइयो त्यतिवेला उनलाई कस्तो महसुस भयो होला ?’

यो घटनाबारे सबैभन्दा पहिला ६ नोभेम्बरमा आइरिस एक्जामिनर पत्रिकाले रिपोर्ट प्रकाशन गरेको थियो । 

अभियुक्तले आफू र किशोरीबीच सहमतिमा सम्बन्ध बनेको वयान दिएका थिए । 

तर उनका वकिल एलिजावेथ ओ कोनेले गरेको वहसका विषयमा समाजिक सञ्जालमा निकै वहस भएको थियो । 

एक्जामिनरको रिपोर्ट अनुसार उनले सोधे,‘के सबूत यो सम्भावनालाई इन्कार गर्छ कि उनी अभियुक्त तर्फ आकर्षित थिइन् र अरु कोहीसँग भेटघाट गर्न र साथ रहनका लागि सहमत थिइन् ?’

वकिलले अदालतसमक्ष भने,‘तपाईले हेर्न जरुरी छ कि उसले कस्तो कपडा लगाएकी थिइन् । उनले थोंग लगाएकी थिइन् जसमा अगाडि फित्ता रहेको थियो । ’

यो प्रकरणको बारेमा समाचार सार्वजनिक हुनुभन्दा एक दिन अघि नै डबलिन रेप क्राइसिस सेन्तरकी प्रमुखले अधिवक्तको वयानको आलोचना गरेकी थिइन् । 

उनले फैसलाको आलोचना नभइ कानूनी प्रकृयामा सुधारको माग गरेकी छिन् । यस बीच आयरल्याण्डका मानिसले यस विषयमा सामाजिक सञ्जालमा टिप्पणीहरु गरिरहेका छन् । 

ह्यासट्याग प्रयोग गर्दै धेरै मानिसले ट्वीट गरेका छन् । केही महिलाले आफ्नो अन्डरवेयरको फोटो सामाजिक सञ्जालमा पोस्ट गरेका छन् । 

अदालतमा यस्तो तर्क गरेको भन्दै विरोधमा उनीहरुले आफ्नो अन्डरवेयरको रंग र स्वरुपको फोटो पोस्ट गरिरहेका छन् । 

बीबीसीबाट