पछिल्लो समय बालबालिकामा मोबाइलको लत नै लागेको छ । लामो समय मोबाइलमा भिडियोहरु हेर्ने कारण धेरै अभिभावक हैरान भएका छन् । यो एक रोग या नशाको रुपमानै विकसित भइरहेको छ । 

मोबाइलका कारण केही दुखद् घटनाहरु हुने गरेका छन् । भारतमा यस्तै एक घटना सार्वजनिक भएको छ । 

भारत पञ्जावको लुधियानामा आत्महत्याको एक घटना सार्वजनिक भएको छ जहाँ १२ वर्षका एक बालकले झुन्डिएर आत्महत्या गरेका छन् । 

उनले आत्महत्या गर्नुको कारण मोबाइल हो । 

उनले मोबाइलमा राख्ने सिमकार्डको माग परिवारका सदस्यसँग गरेका थिए । तर सिमकार्ड को मागलाई परिवारले अस्वीकार ग¥यो । त्यसपछि १२ वर्षका बालकले आत्महत्या गरेका छन् । 

पञ्जावको लुधियानाको भगवान दास कोलोनीमा बस्ने सुखविंदर तरकारी बजारका व्यपारी हुन् । उनका १२ वर्षका छोरा पारस बाइपासको एक नाम चलेको स्कूलमा पढ्थे । आठ कक्षामा पर्ने उनी बुधबार स्कूलबाट घर आए । 

घर आएसँगै पारसले आमलाई मोबाइल फोनका लागि सिमकार्डको माग गरे । उनले आमासँग निकै जिद्दी पनि गरे । तर आमाले र परिवारका अन्य सदस्यले उनलाई सिमकार्ड दिएनन् । त्यसपछि पासर आफ्नो कोठामा गए ।

उनकी आमा भान्सामा खाना पकाइरहेकी थिइन् । खाना पाकेपछि आमा पारसलाई बोलाउन गइन् । तर त्यति खेर पारस पढिरहेका थिएनन् । उनी त पंखामा झुण्डिरहेका थिए । 
आमा चिच्याइन् ।

उनी कराएपछि छरछिमेकी आए र पारसलाई पंखाबाट निकालेर नजिकको अस्पताल लगे । तर डाक्टरले पारस मरिसकेको बताए । 

प्रहरीका अनुसार यस अघि पनि पारसले सिमकार्ड मागेका थिए । तर परिवारका अनुसार उनलाई सीमकार्ड दिएका थिए । तर उसले सीम कार्ड भाँचिदिए । सलेम टाबरी प्रहरी चौकीले घटनाबारे अनुसन्धान भइरहेको जनाएको छ ।