काठमाडौं — सिंगापुरमा बताएको ईस्ट एसिया शिखर सम्मेलनमा अनेकों देशका नेताहरू उपस्थित रहे । 

तर सम्मेलनका अनेकौं बैठकमा फिलिपिन्सका राष्ट्रपति रोड्रिगो डुटेर्टे ताजा हुनका लागि र निद्रा पूरा गर्नका लागि दिउँसो सुतिरहेका थिए । 

डुटेर्टेले यसको सफाइ दिँदै भने, ‘दिउँसो सुत्दा के बिराएँ त ?’

यसअघि पनि डुटेर्टेले पावर न्याप लिने भन्दै फिलिपिन्समै भएका सम्मेलनका कार्यक्रम छोडिसकेका छन् । डुटेर्टेलाई सञ्चो नभएको भनी चिन्ता व्यक्त गरिएको छ । 

गत महिना उनलाई क्यान्सर भएको आशंका गरिएको थियो । डुटेर्टेलाई आराम अनुभव गरिरहनुभएको छ भनी सोध्दा उनले भने, ‘निद्रा पूरा गर्न त सकिनँ तर पछिल्ला केही दिनका थकान मेटाउन चाहिँ सकें ।’

डुटेर्टेका प्रवक्ता पनेलोले राष्ट्रपति राति ढिलोसम्म काम गर्ने हुनाले सुत्नका लागि एकदम कम समय पाउने गरेको बताए । तर कुनै कार्यक्रममा राष्ट्रपतिले भाग नलिँदैमा स्वास्थ्यसँग सम्बन्ध नरहेको उनको भनाइ छ । 

डुटेर्टेले पहिले पनि आफू थाकिसकेको र पदबाट हट्न चाहेको बताएका थिए । तर योग्य उत्तराधिकारी नपाएको उनको गुनासो छ । 

आसियान शिखर सम्मेलनमा बैठककै बेलामा सुत्ने डुटेर्टे मात्र राष्ट्रप्रमुख हैनन् । ब्लूमबर्गका अनुसार, दक्षिण कोरियाका राष्ट्रपति मून जे इन पनि अमेरिकी उपराष्ट्रपति माइक पेन्सको १५ मिनेटसम्म प्रतीक्षा गरेको बेलामा सुतिदिए । 

एजेन्सी