काठमाडौं — इन्डोनेसियामा किशोरहरूले अचम्मको क्रियाकलाप गरिरहेका छन् । 

त्यहाँ टीनेजर किशोरहरूले फोहरी स्यानिटरी प्याड र बच्चाका डाइपरमा पानी उमालेर पिइरहेका छन् । उनीहरूका अनुसार, फोहरी प्याड र डाइपरबाट पानी पिउँदा हावामा उडेको जस्तो अनुभव हुन्छ । 

इन्डोनेसियाको नेसनल ड्रग एजेन्सीका अनुसार, स्यानिटरी प्याडमा पाइने केमिकललाई पिएर नै किशोरहरूलाई उडेको जस्तो अनुभव भएको हो । एजेन्सीले किशोरहरूमाझ यसको क्रेज रहेको कुरा स्वीकार गरेको हो । 

मध्य जाभास्थित एजेन्सीका प्रमुख वरिष्ठ कमान्डर सुप्रिनार्टोले किशोरहरू फोहरी प्याड र डाइपर फोहरको डंगुरबाट उठाइरहेको बताए । उनीहरूले त्यसलाई पानीमा एक घन्टासम्म उमालेर अनि सेलाएर पिउने गरेका छन् । प्रहरीले
यसरी पानी पिउने केही टीनएजरहरूलाई पक्राउ पनि गरेको छ । 

पक्राउ परेका किशोरहरूले त्यसरी बनाएको पानीको स्वाद तीतो हुने र पिएपछि उडेको जस्तो अनुभव हुने बताए । किशोरहरू दिनमा तीनचोटि यो फोहरी पानी पिउने गर्छन् । 

एजेन्सी