काठमाडौं– अमेरिकाको क्यालिफोर्निया लागेको क्याम्प फायर नामक डढेलोका कारण कम्तीमा ७१ जनाको मृत्यु भइसकेको छ । यो डढेलोलाई अमेरिकी इतिहासकै सबैभन्दा भीषण भनिएको छ । 

डढेलोले निम्त्याएको विनाशको आकलन गर्न राष्ट्रपति डोनल्ड ट्रम्प क्यालिफोर्निया पुगेका छन् । प्याराडाइज नगरमा बोल्दै राष्ट्रपति ट्रम्पले त्यस्तो दृश्य देख्नु पर्दा  दुःख लागेको बताए ।

उनले भने, ‘हामीले हाम्रो व्यवस्थापनमा सुधार ल्याउनुपर्ने छ र वातावरण संरक्षणवादी समूहहरूसँग मिलेर काम गर्नेछौँ, यो डढेलो सबैले हेरेको हुनुपर्छ ।’

एक हजारभन्दा बढी मानिस हराइरहेका छन् र अधिकारीहरूले त्यो सङ्ख्या बढ्न सक्ने बताएका छन् ।