काठमाडौं– पल्सर शहिद स्मारक ‘ए’ डिभिजन लिगमा आइतबार दुई खेल हुँदैछन् । आज बिभागीय टिम पुलिसले मछिन्द्रसँग र ब्रिगेड ब्वाईजले थ्रीस्टारविरुद्व खेल्नेछन् ।

पुलिसले मछिन्द्र क्लबसंग ललितपुरको सातदोबाटोस्थित एन्फा कम्प्लेक्समा विहान ११ बजे खेल्ने छ । यस्तै अर्को खेल दिउँसो २ बजे एन्फा कम्प्लेक्समा हुनेछ ।

थ्रीस्टारका लागि राष्ट्रिय टिमका मिडफिल्डर बिक्रम लामा आजको खेलबाट मैदान फर्कदै छन् । चोटका कारण करिब ८ महिना मैदान बाहिर रहेका बिक्रम सफल उपचार प्रक्रिया पुरा गरेर मैदान फर्कन लागेका हुन् ।