मंसिर ३०, २०८०
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
कैलाली – ‘वाह ! यस्तो जवानी । यिनी त साँच्चै जवान भइन् । त्यही भएर होला पागल मनहरू झन पागल हुन यहाँ आइपुग्छन् ।’ प्रवेशद्वारबाट केहीभित्र अधबैंसै उमेरका दुई व्यक्ति यसरी गफिँदै थिए ।
शुरूमा कुरा सुन्दा आफ्नै जवानी र प्रेमिकाहरूबारे कुरा गर्दैछन् भन्ने लागेको थियो, तर होइन रहेछ । उनीहरूको आसपास कुनै स्त्री थिइनन् । यथार्थ बुझ्दै जाँदा तिनीहरू त त्यही ठाउँकै बारेमा भलाकुसारी गरिरहेका रहेछन् ।
हुन पनि हो । कैलालीको कैलारी गाउँपालिका– ९ स्थित कोइलही ताल गुमनाम थियो । कसैले सोधीखोजी गर्दैनथ्यो । सुन्दरता र ऐतिहासिकता आफैंमा सीमित थियो । तर २ वर्षयता यो ताल आफ्नो जवानी भरपूर प्रर्दशन गरिरहेको छ । हुलकाहुल पर्यटक ओइरिएका छन् । मानौं, कुनै मेला महोत्सव लागेको छ ।
बच्चाहरूको झुण्ड बच्चा झुलामा झुम्मिरहेका थिए । तन्नेरीहरू सेल्फी लिइरहेका थिए । कोही तालकै ढिकमा कानको जाली फुट्ने गरी बजिरहेको डिजे साउन्ड सुन्दै उप्पर खुट्टी लाइरहेका थिए । पिकनिक टोलीहरू पनि आफ्नै सुरमा थिए ।
तालको मन्दिर भएको ठाउँमा पुग्दा त मन मिल्नेहरूको समूह पैदले बोट (डुंगा)मा शयर गर्दै सेल्फीसँगै तालको सुन्दरता चोरिरहेका थिए ।
यतिमा सीमित थिएन त्यहाँको परिदृष्य । अलि पर हेर्दा रुखको उचाई बराबर बनाइएको भ्यु टावरमा फरक दृष्य देखियो । २ प्रेमिल मन आफ्नै दुनियामा रमेका थिए । मानौं कि आसपास उनीहरू मात्रै छन् । भएका जति निर्जीव छन् । शायद उनीहरूको अनुभूतिमा त्यहाँको परिवेश र उनीहरूको जवानी उस्तै–उस्तै हो ।
टुप्लुक्क ताल पुगेको नेता गणको एक टोली पनि रमाउनसम्म रमायो । सुदूरपश्चिम प्रदेशका पर्यटन राज्यमन्त्री प्रकाश रावल, नेपाल कम्युनिष्ट पार्टी (नेकपा)को सुदूरपश्चिम प्रदेश कमिटी अध्यक्ष एवं पूर्वसभासद कर्ण थापासहितको टोली तालको सौन्दर्यमा लिप्त थियो ।
तालको अर्को कुना पुग्दा स्थानीय थारु समुदायका मछरमर्नीहरूमा आफ्नै उत्साह थियो । ३०/३५ जनाको समूह घाघी (जाल) तानिरहेको थियो । अइ डैया...बरे–बरे बैखा, नैनी, चरंगा लइलै । पक्रो–पक्रो (वाउ...ठूला–ठूला बैखा, नैनी, चरंगी माछा आए) सो तालमा व्यावसायिक माछापालन समेत हुँदै आएको हो ।
२ वर्षको अवधिमा के भयो त्यहाँ ?
७२ हेक्टर क्षेत्रफलमा फैलिएको ताल सुदूरपश्चिम प्रदेशको अस्थायी राजधानी एंव कैलाली जिल्लाको सदरमुकाम धनगढीबाट करीब ४७ किलोमिटर र पूर्वपश्चिम राजमार्गको राजीपुरबाट झण्डै १२ किलोमिटर दक्षिणी दूरीमा रहेको छ ।
२ वर्ष पहिलेसम्म आफ्नै प्राकृतिक संरचनामा थियो यो प्राकृतिक ताल । संरक्षण र सम्वर्द्धनको कमीले दिनप्रतिदिन कुरूप हुँदै गएको थियो । तर राष्ट्रपति चुरे तराई मधेश संरक्षण विकास समितिद्वारा कोइलही ताल संरक्षण, विकास तथा व्यवस्थापन कार्यक्रम लागू भएपछि सुन्दर तालको मुहारमा निखारता थपिएको हो ।
विभिन्न भौतिक संरचना निर्माणको जिम्मा लिएको नेपाली सेनाले २ वर्षको अवधीमा मुल गेट, मन्दिर, चिल्ड्रेन पार्क, पिकनिक स्पट, भ्यू टावर, पूल, बाटो, ड्याम, सिमेन्टेट बस्ने कुर्सी, खानेपानी, शौचालय, प्रतिक्षालयलगायत विभिन्न भौतिक संरचना निर्माण गरेको छ । भने तालमा शयर गर्न डुंगा सञ्चालन गरिएको छ ।
आर्थिक वर्ष २०७३/२०७४ मा तालको मर्मत सम्भार तथा भौतिक संरचना निर्माणको लागि ९७ लाख ७४ हजार बजेट विनियोजन भएको थियो । भने आव २०७४/०७५ मा १ करोड ७६ लाख बजेट विनियोजन भएको राष्ट्रपति चुरे तराई मधेश संरक्षण विकास समितिका सदस्य विदुर भारतीले जनाए ।
व्यवस्थापनमा चुनौती
तालको संरक्षण, सम्वर्द्धनसँगै प्रचारप्रसार हुन थालेपछि हाल तालमा पर्यटकहरू ओइरिन थालेका छन् । स्थानीय कोइलही ताल संरक्षण तथा सम्वर्द्धन समितिका अध्यक्ष सिहीलाल चौधरीले बाहृय र आन्तरिक गरी दैनिक ५ सयदेखि १ हजारसम्मको हराहारीमा पर्यटक आउने गरेको जानकारी दिए । पर्यटकहरूको संख्यामा वृद्धि हुँदै गएपछि व्यावसायिक सम्भावना बढेको छ । चहलपहल बढेपछि वरिपरी स–साना खाजाघर, होटल समेत खुल्न थालेका छन् । संगै तालको व्यवस्थापकीय चुनौती पनि थपिएको छ ।
सरसफाई, विद्युत, खानेपानी, डुंगा व्यवस्थापनमा समस्या भएको समितिका अध्यक्ष चौधरीले बताए । उनको अनुसार तालमा ४ वटा डुंगा सञ्चालन गरिएको छ । तर पर्यटकहरूको माग अनुसार डुंगा थप्न नसकेको उनले बताए ।
‘आउने पर्यटकहरू डुंगाको लागि यहाँ झगडा गर्छन् । हामीले पुर्याउन सकिरहेका छैनौं । एउटा डुंगाको मूल्य एक लाख भन्दा बढी पर्छ । हामीसंग स्रोत छैन । दैनिक मर्मत गरेर जसोतसो चलाउँदै छौ । पिकनिक आउनेहरू प्लाष्टिकलगायत वस्तु फालेर जान्छन् । फोहोर उत्तिकै हुन्छ । त्यसको व्यवस्थापन पनि चुनौती नै हो’, उनले भने ।
व्यवस्थापनका लागि केही कर्मचारी थपेको बताउँदै समितिका अध्यक्ष चौधरीले पिकनिक आउनेबाट लिएको थोरै शुल्क र डुंगाबाट उठ्ने रकमबाट कर्मचारीलाई तलब खुवाउन समेत मुस्किल भएको सुनाए । उनले हालसम्म व्यवस्थापनमा कुनै निकायबाट सहयोग नभएको समेत बताए ।
उनले अगाडि थपे– ‘यहाँ सहयोग गर्छौं भन्नेहरू धेरै आउँछन् । गाउँपालिकाबाट पनि सहयोग हुने बताएका थिए तर भएको छैन । यहाँ आउँछन्, मीठा आश्वासन दिन्छन् तर सबै उधारो मात्रै ।’
ऐतिहासिक पक्ष
जिल्लाको घोडाघोडी तालपछि दोस्रो ठूलो तालको रूपमा चिनिने कोइलही तालको आफ्नै ऐतिहासिक विशेषता छ । कोइलहीको नामले परिचित भएपनि त्यहाँ कोइलही र कोइलुवा गरी दुईवटा ताल छन् । जसको केही क्षेत्र वनजंगलले घेरिएको छ । भने ताल क्षेत्रमा बहुसंख्यक आदिवासी थारु समुदायको बसोबास रही आएको छ ।
स्थानीय बुढापाकाहरूका अनुसार कुनै बेला ताल भएको क्षेत्रमा वृद्ध लुहार दम्पति बसोबास गर्दथे । जहाँ सानो पोखरी थियो । उनीहरू त्यही पोखरीको ढिकमा दाउरा जलाएर कोइला भिजाउने काम गर्दथे ।
एक दिन कोइला बनाउने क्रममा एकाएक पोखरीसहितको त्यहाँको जमिन भासिन पुग्यो । पोखरी भासिएपछि ती वृद्ध दम्पतिको मृत्यु भएको र पोखरी तलाउमा परिणत भएको किंवदन्ती रहिआएको स्थानीय रामस्वरूप चौधरी बताउँछन् ।
कलान्तरमा कोइलाबाटै ठूलो तालको नाम कोइलहुवा (पुरुष) र सानो ताललाई कोइलही (महिला) भन्न थालिएको स्थानीयहरू बताउँछन् । तालकै नामबाट नामाकरण गरिएको कोइलही गाउँ समेत रहेको छ ।
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...