काठमाडौं – एसएमएल ईसुजु ईन्डियाले गोल्डफिश इन्टरनेसनल प्रालिसँग साझेदारीको घोषणा गरेको छ ।

लक्ष्मी समूह अन्तर्गत गोल्डफिश इन्टरनेसनल (एक सहायक संस्था), अब नेपालका लागि एसएमएल ईसुजु सवारीसाधनको लागि आधिकारीक बिक्रेता भएको छ ।

सम्झौतासँगै गोल्डफिश इन्टरनेसनल प्रालि अब नेपाली ग्राहकका लागि उत्कृष्ट सेवा र सुविधा दिने उद्देश्यले सवारीसाधन व्यवसायमा प्रवेश गरेको हो ।

नेपालको बाटोको अवस्थालाई ध्यानमा राखी एसएमएस ईसुजुले विभिन्न थरीका आधुनिक बस, ट्रक, स्कूल बस, निजी बस, टिप्पर लिएर आएको छ ।

प्रारम्भिक चरणमा कम्पनीले काठमाडौंमा एक थ्रीएस सेवा र एक टूएस सेवासुविधा शुरू गर्न गइरहेको छ । पोखरामा एक थ्रीएस सुविधा, बनेपामा एक टूएस सुविधा, पाँचखालमा एक टूएस सुविधा र धादिङमा एक टूएस सुविधा शुरू गरिने भएको छ । आगामी दिनमा उक्त सेवाहरू इटहरी, विदुर (त्रिशुली), दाङ, हेटौंडा, भैरहवा, बुटवल, नेपालगञ्ज, सुर्खेत र धनगढीमा शुरू गरिने भएको छ ।

गोल्डफिश इन्टरनेसनल प्रालिले उत्कृष्ट सेल्स र सर्भिस प्रदान गर्नका लागि १ लाख स्क्वायर फिटमा नैकापको गुर्जुधारामा एसएमएल ईसुजु फ्ल्यागशिप थ्रीएस सेन्टरको निर्माण गरिरहेको छ ।

लक्ष्मी समूह एक स्थापित व्यवसाय निर्माण कम्पनी हो, जसअन्तर्गत धेरै कम्पनी पर्छन् । अटोमोबाइल क्षेत्रमा एक भिन्न परिचय बनाउनका लागि कम्पनीले धेरै पहिलेदेखि अटोमोटिभ्स् डिभिजन शुरू  गर्दै आइरहेको छ । लक्ष्मी इन्टरकन्टिनेन्टल आईएसओ ९००१ः२०१५ प्रमाणित कम्पनी हो । नेपालको लागि लक्ष्मी प्रीमियम मोटर र गोल्डफिश इन्टरनेसनलले व्यापारिक प्रायोजनका लागि सवारीसाधन लिएर आएको छ ।

एसएमएल ईसुजुले व्यावसायिक प्रायोजनको लागि गाडी उत्पादन गर्दै आएको ३३ वर्षभन्दा बढी भएको छ । एसएमएल ईसुजु उत्पादन र प्रविधिमा सीमित मात्र नभई आफ्नो संगठनमा नौलो किसिमको संस्कृति र मूल्य मान्यता बनाउँदै आएको छ । जसले गर्दा  नेपाली बजारमा विश्वासको साथ अगाडि बढ्न सक्षम हुनेछ ।