चैत ७, २०८०
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
मंसिर ३, २०७५
धनगढी – सुदूरपश्चिम प्रदेशका पूर्वसामाजिक विकास मन्त्री दीर्घ सोडारी कात्तिक २७ गते बर्खास्तीमा परे । लगत्तै सामाजिक विकास मन्त्रीमा कृष्णराज सुवेदी नियुक्त भए ।
मन्त्रीको पद नै बर्खास्त गर्ने धेरै कारण औल्याइएको छ । एउटा कारण हो – गाडी दुर्घटना प्रकरण । जसले निम्त्याएको समस्या अझै बल्झिएको छ । सर्वसाधारणले सास्ती पाएका छन् ।
कात्तिक २३ गते राति पूर्वपश्चिम राजमार्ग अन्तर्गत कैलालीको बडैपुरमा पूर्वमन्त्रीले प्रयोग गर्दै आएको बा२झ ३१२५ नम्बरको स्कारपियो जीप दुर्घटना भएको थियो । से३प २४२० नम्बरको मोटरसाइकललाई ठक्कर दिँदा दुर्घटना भएको हो ।
दुर्घटनामा मोटरसाइकल चालक गौरीगंगा नगरपालिकाका–८ का २३ वर्षीय सुरेन्द्र चन्द शख्त घाइते बने । गलाको हड्डी, दायाँ हातको कुइनाको जोर्नी र करङ भाँचिनुको साथै टाउकोमा गम्भीर चोट लागेर घाइते भएका चन्दको उपचार धनगढीमा हुन नसकेपछि काठमाडौं रेफर गरियो । उनको काठमाडौंको अन्नपूर्ण न्यूरो अस्पतालमा उपचार भइरहेको छ ।
तर उपचारमा निकै समस्या भएको चन्दको परिवारजनले बताएका छन् । चन्दका बुवा टेकबहादुर चन्दले छोराको उपचारमा निकै समस्या भएको दुखेसो सुनाए । उनका अनुसार घाइते सुरेन्द्रको गलाको हड्डीको शल्यक्रिया कात्तिक २५ गते भएको थियो । जसमा मात्रै ६० हजार रुपैयाँ खर्च लागेको छ । मंसिर २ गते दायाँ हातको कुइनाको हड्डीको शल्यक्रिया भएको छ ।
अस्पतालको रिपोर्टलाई उदृत गर्दै चन्दका बुवाले भने, ‘२ भागको अप्रेसन भयो । उपचार जारी छ । सिटीस्क्यान गर्दा टाउकोको ३ भागमा रगत जमेको देखिएको छ । छोराको मानसिक अवस्था ठीक छैन । कहिले उठेर हिँड्दिन्छ । बोल्दैन । कहिले चिनेको मान्छेलाई नै चिन्दैन । दिमागमा कुनै परिवर्तन आएको छैन हजुर ।’
घाइते चन्दको औषधोपचार सामाजिक विकास मन्त्रालयले व्यहोरिरहेको छ । हालसम्म उनको उपचारमा मन्त्रालयले १ लाख १० हजार रुपैयाँ भुक्तानी गरिसकेको सामाजिक विकास मन्त्री कृष्णराज सुवेदीले जानकारी दिए । उनले चन्दको पूर्ण उपचारको लागि मन्त्रालयले अस्पताललाई परिपत्र समेत गरिसकेको बताए । ‘उहाँको उपचारमा कुनै समस्या हुँदैन । हामी उहाँको पूर्ण उपचार गरेर ल्याउँछौ,’ मन्त्री सुवेदीले लोकान्तरलाई भने ।
घाइतेका बुवा चन्दले आफूहरूलाई उपचार खर्च तथा खाना र बस्नमा समस्या भएको बताएका छन् । उनले भने, ‘आइतवार मन्त्रालयले अस्पताललाई एउटा चिठ्ठी फ्याक्स गरेको छ । त्यसैको आधारमा उपचार भइरहेको छ । तर भात खानलाई पैसा छैन । होटलमा उधारो खाएको छु । तिर्न बाँकी छ ।’
पूर्वमन्त्री सोडारीले प्रयोग गर्ने गाडी जिल्ला प्रहरी कार्यालय कैलालीमा थन्किएको छ । गाडीको अगाडिको भाग पूरै क्षति भएको छ । हाल गाडीको नम्बर प्लेट समेत हटाइएको छ ।
गाडीको इन्स्योरेन्स भएकाले इन्स्योरेन्स कम्पनीको मूल्यांकनको आधारमा गाडीको मर्मत हुने मन्त्रालयले जनाएको छ । नवनियुक्त मन्त्री सुवेदीले प्रदेश सरकारको मन्त्रिपरिषद्को कार्यालयले उपलब्ध गराएको गाडी चढिरहेका छन् ।
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । मिति : २०८० साल, मंसिर २९ गते, शुक्रवार स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...
नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...
प्रत्येक भाषणमा पारदर्शिता र सुशासनको गफ लगाउने प्रधानमन्त्री पुष्पकमल दाहाल ‘प्रचण्ड’ले आफ्नो सचिवालयलाई निकै जम्बो बनाएको पाइएको छ । परिवारका सदस्यदेखि आफूनिकटका व्यक्ति समेत झन्डै ३ दर्जन बढीलाई निय...
काठमाडौं महानगरपालिका वडा नम्बर– ३ बाँसबारीमा शहीद गंगालाल राष्ट्रिय हृदय केन्द्रनजिकै सञ्चालनमा छ, द चाँदबाग स्कूल । विनोद चौधरी नेतृत्वको सीजी ग्रुपअन्तर्गत सीजी एजुकेसनले सञ्चालन गरेको उक्त स्कू...
यातायात व्यवस्था विभागका उच्च अधिकारी, विभिन्न यातायात कार्यालयका प्रमुख तथा कर्मचारी र बिचौलियाको मिलेमतोमा झन्डै ३० हजार अवैध लाइसेन्स जारी भएको पाइएको छ । विगत ६ महिनायता लिखित र ट्रायल परीक्षा नै...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...