काठमाडौं –राष्ट्रिय सतर्कता केन्द्रले कार्यालय समयमा हाजिर नहुने र तोकिएको पोशाक नलगाउने पाँच सय सरकारी कर्मचारीलाई कारवाहीका लागि सिफारिस गरेको छ ।

चालू आर्थिक वर्षका ४ महिनामा गरेको अनुगमनबाट पाँच सय जना कर्मचारीलाई कारवाहीका लागि सिफारिस गरेको हो ।

यसरी कारवाहीका लागि सिफारिस भएका कर्मचारीमध्ये ३ सय ६८ जना तोकिएको पोशाक नलगाउने छन् । यस्तै १ सय ६२ जना कार्यालय समयमा हाजिर नहुने खालका छन् ।

राष्ट्रिय सतर्कता केन्द्रका सहसचिव एवम् प्रवक्ता विष्णुप्रसाद लामिछानेका अनुसार काठमाडौं, लतिलपुर, भक्तपुर, काभ्रे, धादिङ लगायत जिल्लामा गरिएको अनुगमनका क्रममा कर्मचारीहरू कार्यालय समयमा हाजिर नहुने तथा तोकिएको पोशाक नलगाएको अवस्थामा भेटिएका थिए ।

यस्ता कर्मचारीलाई निजामती सेवा ऐनअनुसार कारवाहीका लागि सम्बन्धित कार्यालयका प्रमुखलाई सिफारिस गरिएको सतर्कता केन्द्रका सहसचिव लामिछानेले लोकान्तरलाई बताए ।

समयमा कार्यालयमा नआउने तथा पोशाक नलगाउने कर्मचारीको गयल कट्टी गर्ने, चेतावनी दिने लगायतका कारवाही हुन्छ ।

यदि कर्मचारीले चेतावनीपछि पनि ‘गल्ती’ दोहो¥याएमा नसिहत दिनेदेखि ग्रेडवृद्धि रोक्नेसम्मका कारवाही हुन्छन् ।